لعوايل انلوراس امقران اتحتفالنت سموقي نلبراج ذالرفيس

بذونت اسناي سمدعدا ايور نتفسوث لعوايل انلوراس امقران اتقنت لوماكل اقلا والفنهنت وتملنت اسينت الخير اذلهنا، و سثغوسوناي يحلان ذي لوراس امقرانن لماكلت انبراج، او سدعدا ثافسوث إميرا غر أسان برك بذونت لعوايل أوجذ أقنجواي أجديذ أقلى راجنت لباس بشام أذزاهنت سيس خاطر يتلي ذيس الجو يحلى او يتموكيس أسميط نالمشتا.
وبشام أذحتافلن سعدي نتفسوث اتقنت لعوايل أنلوراس أمقران ذيما ألماكلت ثحلى لباس أثشتاهر ذي الجزاير كاملن نتاث أذلبراج، أقلى يتموقا سغروم ذالغرس ويتراقد يحلى لباس، ونسقسوا لباس نتمغارين مامك اتموقا واننتانغ بلي لازم اذرقنت السوق وادسغنت الغرس اقلا يحلى قلي ، وثغاوسياي نتاث أذلبراج انيغ الرفيس تونسي، ويتموقا لبراج نورمال امغروم بصح يتيلي أزذ لباس خاطر لازم اتقذ سنت انتعنونين زدنت واتقذ جارثسنت أرخساس نالغرس بعد ما أتصفيذ مليح واتريح، ومبعد أتغطيث الغرس ذيس سترخساسين نغروم واتقذ ذي الطابونة أيوم امغروم نالرخساس قدقد، وبغير أذيوم واتعوس مليح بشام أذتحريقش أتكستيد واتدجذ اذيبرذ قلي اومبعد اتبيذ ذالمثلثاث، امسوان، واتسرسذ إلعايلت اتتش سالقهوى انيغ سوغي، وبشام ادبان الفرح مليخ اتمسرافنت لعوايل انلوراس جراثسنت لبراج ذي لسحنان أمققارن مرحبا سالربيع ادعدان غرنغ، ولانت لعوايل ثيط اتقنت الرفيس تونسي ماني غتخلاظنت أرن إيذ نالغرس أوبعد وأثقنت تدويرين وأثسونت وأثتشنت.
ثغاوسويناي كامل اتقنهنت لعوايل انلوراس امقران ام باثنت، خنشلة، ام البواقي، قالمة، كل أسقا سماني إدتعدا الربيع خاطر زهانت إيس مليح، وأقيمن العداثاي أمين إغنتنا الحاجة سعيدة إقميرا ولازم انحافظ فلاسنت خاطر تياي ذالعاداث أنغ والتقاليد.
ومات اقسزهان ثافسوث نسقاس ماني اثرني ثوثا لمطر خاطر هديرق اسقاس يحلا مليح مليح.