إشاوين ورعاذ تفاقن غنثورث وصبرن بشام اتولا الدزاير تانوراث

ثزها اسناط لولايث انباثنت ام الولاياث نالدزاير كامل سواس اعز فولاون نجزايرين اوكل، اس اقلا ثرقد ذيس لقايلة نتيللي و ن تدرفايت فتمورثنغ اغلى ن132 نوسقاس نزكّلو اقلا يتغا ويحرق ويفيا ثمورث نالدزاير، بصح الشياي كامل اذدومش خاطر الان ارقازن ولحراير بدن ام ييشط نلعبذ ذقوذم نفرنسا وانناس ديقاج برا روح اتروحذ.
اس ن5 يوليز 1962 ارقين ايدزايرن كامل وذي لوراس امقران ازهان وفرحن ورفذن لعلام نالدزاير ذي مونكل امكان نهنين ذالدريث انس وحتى امغارن امقران بشام اذسرقن شي اقلا يلا ذقولاون انس سي الفرحث نتدرفايت، اقلا اوشين فلاس لملاين انرواح انس وهاننت فوذم نتمورث انغ ، وذي باثنت ورعاذ اساياي غرس امكان ذمقران ذقولاون نشاوين خاطر اتفاكرنت وننهنين اخفاوننس ذاقجنا، وحكان لجدود انغ سي المجاهين الجيال نميرا مات عنان وسوفران سي ظلم نفرنسا ومامك امنن سربي وحبين الدزاير وفلجال انس ارقين اذرار وحاربنت ألد ادوين ثيللي سذامن.
ورعاذ ثامورث انريس، كيمل اولاد سلطان بيطام بريكة ثمروانث ولباس نمكان ذي باثنت اتفاقن غنثورث سيرتو امكان اقلا جملن المجاهدين ذالشهداء تحاربان فرنسا وحتى لماليث نتمورياي ورعاذ اتافن ثمقبروين نالشهداء اقلا ثتغيهن فرنسا وثجمليهن واثطيشيهن ذي لبيار وزدو ثمورا اغلا ماني اهنتغا وثعذبيهن.
وأسقاس العيذ نالدزاير يوسد ذي الوقث اقلا ورعاذ ثمورث انغ امين اثلا ديما هوغا ثروا انس سيرتو ماني ارقين ذقاس ن22 فيفري بشام ادعوان الحق انسن ذالكرامث انس ذي ثمورثنس اقلا تشينت قلي نترونس اقلا اتتحبانش وفسدن ذيس كل ثغاوسا ثحلا.
وفلجال نشياي ارقين اسناط بشام اذنين العام كامل بلي ورعاذ الدزاير ذيس ارقازن تقيارين اقلا تحملنت وهذصبرن بغير اتعان تانوراث نهنين ذالجيش انس اقلا ابد ايذسن تاومات ذي الثورث هذا ابدد الدورا ايذشن بشام اترني الدزاير اتستقلي ذي ايا اقلا فيانت.