ڤالوا الجزائريين ڤالوا

جاء الأول.. قال مضربي من العام الأول..
جاء يسعى ودر تسعى..
الحر يفهم من غمزة والبتي من دبزة..
جات للرباط..لا حس لا عياط..
العود اللي تحڤرو يعميك..
اضربني وابكى واسبقني واشكى..
اللي ماهو ليك غير يعييك..
المكسي بقش الناس عريان.
القافلة قافلة واحدة وكل ذا عينو على بعيرو.
الي حلب حلبة يديرها في اشكيوتو..
الي صبتو السماء تحملو الأرض.
البرمة الكحلة تغلب المرأة الفحلة.
بنت العم تلاوي الهم.
بيت رجال خير من بيت مال.
اللسان الحلو يرضع اللبة..
كل خنفوس في عين أمو اغزال..
واش يخرج العروس من دار باباها..
الفوخ والزوخ واعشاتو ڤرنينة..
ما يبقى في الواد غير احجارو..
اليدين الكحل ياكلو الخبز الأبيض..
جاء يكحلها اعماها..
جات اتطل جبات..
الطماع يبات ساري..
كي كان حي شاتي حبة وكي مات علڤولو عرجون..
يرحم من مات وخلى الفتات..
عاش ما اكسب مات ما خالى..
لوكان يحرث ما يبيعوه..
المتربي من عند ربي..
النار تولد الرماد..
كثرت الصحبة اتودر اخيارها..
اللي عجبك رخسو في الدار يقعد نصو..
بنت العم، إذا مضغاتك ما تسرطكش..
الفم المصموت ما تدخلو ذبانة..
خوذ راي اللي يبكيك. اللي يضحكك يضحك عليك..
الفحلة تغزل على كراع الداب.
كي يتقطع البندير يتفرڤوا المداحة.
يدعى بالطب ومات بالعلة..
كي شاب علقولو الكتاب..
على كرشو يخلي عرشو..
إذا من عندي ومن عندك تنصع.. وإذا غير من عندي تنقطع.
اللي فاتك بليلة فاتك بحيلة..
القمار ما يعمر الدار..
أخدم بالدورو وحاسب البطال..
الحجرة من عند الحبيب تفاحة..
أشكون اعدوك.. صاحب صنعتك..
إذا أعطاوك سهمك أعظم. ديرو بشيشة.
إذا القمر جاك.. النجوم تباعة
ريبها على الواد ويقول سيدي عبد القادر.
اللي في يدو..كل يوم عيدو..
إذا فاتوك بالكثرة فوتهم بالبكرة.
الجديد حبو والقديم لا تفرط فيه.
كي اتشوف العين تترك السؤال.
ماهيش كل أمزمة امرأة.
لا يعجبك نوار الدفلة في الواد عامل اظلايل، ولا يعجبك زين الطفلة حتى تشوف الفعايل.
ما يحك لك إلا ظفرك، وما يبكي لك إلا شفرك.
فوت على واد بهبار وما اتفوتش على واد ساكت.
اللي حبك ما بنى لك اقصر، واللي كرهك ما احفر لك قبر.
اللي طاح يدير روحو يدرقش.
الحمية تغلب الصيد.
ما تخلط النخالة ما ينقبك الدجاج.
فرتل بلفرتاله حتى يجيك الصباط.
الراعي والخماس يتعافرو على شي الناس
دير الاٍحسان مع جارك وحصن باب دارك.
اللي ما شاورك ما ادبر عليه.
أقصد البيت الكبيرة. إذا ما تعشّيت اتبات دافي..
دير الخير وانساه، ودير الشر وتفكّرو.
اللي أخطاه كبيرو ودر تدبيرو.
مول التاج ويحتاج.
معرفة الرجال كنوز.
اللي ما يشبع من القصعة ما يشبع من لحيسها.
مساهمة / أحمد ديلمي