نبغيك يا بلادي

شعر

نبغيك يا بلادي ونبغي من يبغيك نبيغك يا لحرة وبدمي نفديك مكاش حاجة فالحياة تنسني فيك انعاهدك يا بلادي ما نسمح فيك أنتي يما ونا ولدك يعنيك عزي وقدري غير بين إيديك يالجزائر شعبك راه قادر يحميك يالغاليا ملايين ضحات أعليك اليوم محال شعبك يقبل عليك ومن كرهك نحسبو من عدياني وين ان أعدوك انحاربو عيناني قلبك يبقا عاشقك طول أزماني ديما أنخاف عليك يا قرة عياني أنحبلك كل خير وأطيب أماني اسمك بعد الله ذاك ما يحب لساني معروف برجلة في كل الأوطاني أحروك من الإستعمار النصراني باش يبلادي تنظلمي وتنهاني نبغيك يا بلادي ونبغي من يبغيك ومن كرهك نحسبو من عدياني نبغيك يالحرة وبدمي نفديك وين كان اعدوك انحاربو عيناني يا لغالط انشا الله ربي يهديك هذا طريك فاسدة من دبر عليك هذا موش أصواب تخرب دارك ابيدك يا غافل راه دم شهيد يخج فيك شحال غلطت فسابق ومحقدناش عليك غلطوك العديان لعبولك أبرجيلك يا بكي لعباد كفا أنوم إحبيك أفطن يا غافل من هذا طريق خطيك واش عجبك فل إرهاب افتح عينيك هذا عيب تبيع بلادك بلفاني اتشفي فبلادك براني خمم علا نهار تلبس لكفاني راك يتمت أطفال ورمت نسواني ونتازايدنا فلهم ولحزاني تعيا نادم يا مرهب الصبياني من دبر عليك هذا شيطاني ياك العنف حرام فقانون الرباني غير بلادي ما طيح كونك هاني نبغيك يا بلادي ونبغي من يبغيك ومن كرهك نحسبو من عدياني.