آروينت سي لمواكل نتمورث أنغ هحطر دايما

آروينت غن أبسيسيت أطمينت ني مازيغن وهولا نالدزاير أوكل، سي لعوام آغ عدّان، ماني تكرنت الخالاث وتارافنت إيرذن ىغ أحلان ذي الكانون مليح باش آذينت آغواوث من بعد أترحانيت ذي آسيرث سلعقل وتغنانت ذي لقوايال وأثينيت ثاروينت عن مامك قارن ذي موكانن يطنين أسميذ نتغواوث باش آذفرنيت ذالعولا،غن أسنونيت غالحاجة عن ذي المناسباث .
سعاد بوعبوش
وآريونت تقنيت الخالاث ذي المناسباث واسعد الدازير غير ما عاشوراء مني تقنيت آم طيمنت، عن أزرير ماني هحلا حتى إي مطوث ىغ هيروباش آسيغناس لقدر وثحلا باش آتي آغي باش أسوط مميس، وثحلى ثاني حت إي صغرا خطراش باش كبرن ذي صحاح ماني تروحا إي أغسان أنسن .
وتقن الخالاث آروينت ذي المناسباث سالدهان ولعسل آحرور، عن سالغرس،وألان حتى آغلان تقنيت سوامان والسكر عن تقنيت تاحريريت إنيذ نتيمزين العدس، الروز، الحمص، واي أوكل نتلاقث غل إيشاوين، وثاني نتلاقى لقبايل أنغ تقنيت حتى سالزيث نوزموور، وذي الصحراء آم بسكرة، تغردايت آلان آغ رحّان إنيذس حتّى ثيني آغ قورن باش أسيغناس البنث أكثر وآداس ثيزيض.
وهلوشي آروينت غرس أبلاصت أنس غل إيمازيغن حتى آغ عاشن ذي ثمدينت ماني ثوحشن وقيمن دايما اتحملن لعوايذ أنسن، وتقنيت دايما إني جون أنسن وذالصغرا انسن وحتّى إي نهني، ماني أسنن مليح بلي ذيس الفايدث مليح .