يخطئ من يقول إننا لا نحظى بخدمات جيدة على مستوى الإدارات والهيئات الحكومية.. والدليل "قالولو" على رأي عادل إمام… لأن كل مسؤول قالولو …. بما أني استمعت إلى التوجيهات والتعليمات التي وجهها السادة الوزارء إلى مختلف القطاعات.. فإني استبشرت خيرا خاصه أننا نعيش في دولة عندما تصدر تعليمة وزارية تجد صداها على أرض الواقع في أقل من 24 ساعة …. أعلم أنكم تضحكون… قلت توجهت إلى وحدة سونلغاز لكي أحتج على عدم تركيب عداد الغاز بعدما سددت المبلغ وقمت بكل الإجراءات.. وكان هذا منذ شهرين… دخلت إلى الوحدة مبديا احتجاجا سلميا دون حرق الإطارات أو غلق الطريق..فلا ربيعا أقنعني ولا خريفا جذبني… فبدأ التلاعب بي "واحد يقلك روح عند عون الأمن؟؟؟ ".. "والآخر يقلك ماعندناش الكونتورات…. والثالث يقلك "التكنيسيان" راح عندو اشغل والرابع يقلك رانا انديرو في حسابات"… فثرت وأنا عندما أثور أفعل الافاعيل بدأت أصيح آه ياولاد "لحرام الدراهم اديتوهم والكونتورات مكانش"… "اعطيوني كونتوري… اعطيوني دراهمي..ماكفاكمش أنكم شريكة خاسرة….جبولي الشاف انتاعكم".. "اضرك لازم يخرج"….والا اندير بيه مقال في "الجرنان" انتاع الحوار … وبعد هرج ومرج خرج كبيرهم الذي علمهم السحر… وقال "واش خصك؟ علاه راك اتعيط؟ واش من كنتور؟ واش من ادراهم؟" قلت له… معالي الوزير راه يقول إنه أرسل تعليمات تحثكم على خدمه المواطن.. ورفع الغبن عليه أم أن التعليمة لم تصلك. فضحك مقهقها وقال لي "روح جيب الوزير انتاعك يركبلك الكونتور انتاع الغاز" … "والله غير تبقى بالغاز انتاع القرعة"… "ونزيدك حاجة"… "الوزير انتاعك راه يقلك أنت وأمثالك من أفريل واروح الهيه رايحين اتخلصو الفاتورة دوبل باش اتحبسو التبذير"….. فقلت: آآآآه… لو كنت وزيرا.
