لي دير فيه الخير ينكر وعود سخير

شعر

سمع ياخويا نصيحة ترفعك المذلول رخيص وما ينفعك هو ما يسواش ونيتو يخدعك قلبو مغشاش وللشر يدفعك يضحك بنياب وبكلامو يغرك حبيبك الغرار ما يقدر ايضرك نخاطبك يا نكار ونفضح سرك القصه قديمه بصح نفكرك كقلبي صافي قلت خلي نشترك كخرجت نكار نفضح ونخسرك كخبروني عليك راني مجربك حالد بليمين مانزيد نقربك ياحصراه انيا شحال ضيفتك واليوم مليح تبليت وعرفتك الحكمه صعيبة بصح تهمك الهواري فصيح كينطق ايفهمك العشره صحيحة راحت زمان دير فيه الخير وما فيه لمان وخليك مسجون ما بين الحيطان ومقبح فعالو وحبيبو الشيطان وصيفتو كذاب كينطق لسان ما ظنيت لحمار يلحق الفرسان في الماضي مكتوب واليوم ايبان جيتني بدموع ودقدقت البيبان ما نخليك فضيحه ما بين الشبان طعام ايكون صحيح يفسد بالذبان ساعفتك كثير كلقيتك عريان كريب الساس يتمحى البنيان ضنيتك صديق ككونو لغبان نصيحه تحذرني من غار الثعبان معاني وحكايات وكلش برهان وكلامو صافي كلعسل ودهان.