الكلمة صحيحه كينطق لسان- سمع النصيحة وما تصاحب إنسان

كتكون في الضيق واحد ما يشفع سمع كلامي والنصيحة تنفع النار كتاكل عمرها ما تشبع والما يطفيها وعليها ينبع المكوي كيفي يفهم كيسمع ذهب يقدام ويبقى يلمع زمان لي فات اليوم ما يرجع العيب صعيب يجرح ويوجع لفاهم كجرب من الدنيا يقنع إذا بغيت يا خويا تهرب وتمنع نوصيك من لحباب ما تطمع كتندم صحيح وعيونك تدمع المذلول رخيص قيمتو ما ترفع الراجل يا خويا راه ديما يدفع وفي وقت الخير ايدورو حذاك بنادم الجيعان ما يترك غذاك تلهب لهيب هكذا الناس عراك كلمثل صعيب سأل لي قراك راه جرب الماضي وفت لهلاك ولعجين اليابس ايطريه دلاك إذا نكرت الخير كيفاش سلاك النيه يا خويا صيفت لملاك ما تعرف تعوم للبحر واش داك غير حمل سلاح وحارب عداك غلق باب البيت وزيد الشباك ما يحزن معاك غير لي رباك فهمني يا مسكين نتيا مقواك الهواري عاقل ويعرف دواك