ات اغرسان دتدشلا نالعلماء المسلمين نديز

تدشلا دوخدام جار توات ددتشلا نالعلماء المسلمين اولتبدي مع اوفوغ نالجمعية نالعلماء اسقس 1931 . انداه نونشار نالعلم دحارب نالجهل ادقل غال اسقسان نالعشرينيات مع اوفوغ نتدشلوين ددباب نالخير اخدمان احرش نوسلماد دوعزام مان ابدان ارزام نغربازن اسنقارن المدارس الحرة. اماشي ابدانت تفغنتد مناوت الجرائد اناالشهاب . دوادي مزاب . الاصلاح. صدى الصحراء توني دقت التجربة الان اوند ستونس ادباب نوعزام نابو اليقظان . الشيخ عدون الشيخ طرابلسي .رمضان حمود .ابراهيم بن نوح.سالجهتس يقضع اسلماد عبد الحميد بن باديس ازور توات تونس يملاقة ادسان البعثة نات مزاب يرقب انداهان داماشي اخدمان ندهان ادران دزير سوفس نتومان سوبريد نالصحافة.
اسقس 1931 تفغد تدشلا نالعلماء المسلمين الان فتبجناس عبد الحميد بن باديس امدتشل نالشيخ ابو اسحاق ابراهيم اطفيش اتنفى فرنسا غال مصر اسقس 1923 اماشي يملاقة يد مناو ادوموان اضضنين ابدان اخدام فمار ايالنية نوحارب نالجهل دونشار نغربازن اوسلماد نتوتلايت نتعرابت دالدين نالاسلام.
الشيخ بيوض اتوعين دقن سالاعضاء نالجمعية نالعلماء المسلمين مع الشيخ ابو اليقظان انضان غال مناو اغرمان ندزير ملاقان مع توات اسوتورن ابدي يد الجمعية نالعلماء مع اواعظ تمجدوين اوحسس نمدان فالخطورة دالسياسة نالاستعماراشعال نتفاوت جار اجزائريان. اسقس 1930 اتوسلف اقن اوغرباز اغرم نبسكرة اقارناس الاخاء يجرو قاع ات اغرسان دعربان بلا اقن اوميز انغ اقن اوفرق جارسان. اماشي اتوسلف اقن اوغرباز وضضن اغرم نتبسة اسقس 1931 اتوصلاح سوفس نتومان اسقس 1934.
اخدام دمعاون جار توات دالجمعية يقم يدجور اولى بعد تماتانت نالشيخ عبد الحميد بن باديس اسقس 1940 يقم يدجور مع البشير الابراهيمي داحمد توفيق المدني دالشيخ الطيب.
لثار نوجم نوعزام اغلان يلا غال امارو انغربازن دالمعاهد دموشان نالعلم اضضنين الان د كل انشان التل. رب ادرحم امزوار دوس اعافر ايالخير .