لعوايل انلوراس أمقران ذي دواور إقميرا سذفاين سلوح نتجرين

إقميرا ورعان لباس انلعوايل انلوراس أمقران ذي باثنت أذخنشلة اذ أم البواقي، وحتى ذي قالمة، أي قلا أتعاشن ذي الدواور بعذن لباس فالمدين أسثفاين أيماننسن ذي المشتياي سلوح انتجرين، أمرباع ذي باثنت، سيرتو ماني إقوثا أذفل لباس أذلمطر، وقفلن إبريذن او ذتقوانش أذروحن وادواين ثقرعاثين نالغاز.
إبين المشتا نسقاس أقلا يوسد يسمط لباس ذي الدواور أنباثنت بلي لباس أنلعوايل أسحمايت غماننست سالخشب ذاللوح نالشججر، ماني إغننانت قلي أنلعوايل بلي لعوام إقعدان ألانت أسرغاينت ستقرعاثين نالغاز بصح أسقاس كيعاد قفل إيبريذن ولانت اتعاشنت أمزيك وتراقن قلعند اللوح امبعد سعداينت ثدار وأشعلنت العافيث بشام أذطبخن واذحمان، والمشكلاي يلا خاطر ورعان الغاز أهنتخليظش سيرتو ماني إتيلنت ذي إقمكان أهوان لباس انيغ علان لباس الشياي يصعب بشام أسخلدن ثقصبين نالغاز غرسنت.
وكيعاد حتى الشججر يبزق انيغ يسمط أثتشعالش ذيس العافيث لهيه ليه، لازم أثسعدان زيك وأثغطان مليح بشام أسموكس اسميط واذيقار مليح بشام بغير أثشعل أذيرغ ليه ليه، لعوايلاي طلبنت سي المسؤولين بشام أسنتقن المشروع نالغاز بشام أذثهنانت سي المشكلاي يخس ذي الصيف أنيغ ذي المشتا أقلا أتسوفرانت مليح.