الولايث انباثنت اتكمل اوجذن نتوليث انلقراي نقداشن

ثبذو الولايث أنباثنت ثتوجاذ إثوليث انلقراي أقلا هتبذو أس نالاحد إدقورن ذالدزاير كامل، والمدريث نتربية انباثنت أغرس إميرا كم نتاث ثتوجاذ إثولثاي انلقراي سيرتو بلي أسقاس هذعدان لباس نقداشن إجديذن، وينا الوالي انباثنت أسيطن بلي الولايث أسقاس هترني أترزم لباس نتمدرسوين 10 ذالثناوي و 3 ذي المتوسط و7 نالمجمعاث المدرسية ذيس 79 قسم 170 قسم توسعي و3 مطاعم جديدة .
وبشام اذكملن الإستعدداث أنسن ثبذو المدرية ثتق التعيناث انلخذمت إلاساتذة نالناجحين ال600 نالأساتذة بشام أذولان إيذ نإقداشن واتثهنا باثنت سي المشكل ننقص نالمعلمين سيرتو ماني إثولا الولايث انباثنت أثرزم كل أسقاس 10 نتمدرسوين ماني إثتحتاج لباس نالمعلمين، وأثغاوس ثااجديت أسقاس المدريث نالتربية انباثنت هاترزم لباس نالداخلياث ماني إشتكان لباس نالاولياء نإقداشن سيرتو أي أقتلين ذالدواور بلي يبعذ الحال فالدريث انسن سيرتو ذي المشتا ماني اتافن لباس انتالست بشام اذخلدن ماني إقرانن وفالجال نشياي هاسنترزم المدرية الداخلياث سيرتو إثهيوين والداخلياث اتوخذمنت مليح بشام اذقاو أقداش أذيقرا مليح.
وإقداشن أقلا أقومان فالداخلي ثمدرسيوين انسن هاسنترزم الريسطواث فأزقن انواس بشام اذفضرن وأذقيم ذأثمدرست أذراجعن الدروس انس او ثاعشويث كل حد اذروح ثداه انس. ويسقسو الجرنال ن»الشعب» العايلاث اقلا انلقاهنت اتوجادنت إثوليث انلقراي ماني إغننانت بلي أسغاي نالقش نتا ذمزوارو خاطر الدريث اوكل اتكلن لباس فالوالدين أنس اسنسغن القش ماني إلا اقداشن أيظ خذمن ذالصفاي إقعدان بشام أذسغن نهنين القش إخسن.