الزيارة اغلان

الزيارة انغ اساحي دقت العادة تلا تدجور اغلان دلان دقاع اغرمان نغزر انلمزاب . اساحي اضرى تتشلت اوسقس يور انتفسوت مان مدان اتملاقان فمارا قضعان ادزروان اموشان اتونضلان دسان الاولياء دالصلاح انوغلان.
الزيارة تدجور سوفوس نعزبان ديروان دمصوردى اتسدجان تيجوريت انمدان دموشان نوزوري اتبدى دقس اتقدى تسمسين سوزونس ننفاش.
اسوي نالزيارة دين اسونحم انتشلي دالسيرة نمقرانان دمزوار انوغلان مان مدان اتبدان اش المقبرة مان اعزاب اديوش التاريخ انغ تمدورت نالشيخ دالاصلس ادون ادج تمدورتس بالخصوص امزانان باش ادسنان امزروي انغ التاريخ نغزر انلمزاب دمقرانان ادجين اقن وبريد انوورغ.
ايدلسيت دقلند مدلن استيحوريت مان امزنان اتملاقان ازغار نوغرم اقت الفرحة ايتزعلك اصودوفان دس تيني دوغي دقن لمني ابورخس الان اولجورن يد ازعلاك اساحي .
غال تمديت دفر تكزين ادعاودان ادملاقان قاع المقبرة ادعزمان القران ادختمان ادسوتران يوش امقران اديوي الخير ادلهناء اتمدورت انمدان بعد ازوني ننفاش تنوباوين ادلمني ابورخس باش ادحفظان القران عمران المجالس انوعزام نالقران ادولان غال تدارتنسان ادزاقان مع اغولاد بسم الله يا الله هيا رحمن.