نازوران انوغلان

تمو انوغلان يلا دس يغلب ننازوران انغ الفنانين اندهان احرش نالمسرح دتسكلا ادمناو احرشان اضضنين اش حد يغس ادسوض تكيردة اعنانت تمدورت دتمشراس دبسون الان تدران دسانت مدان اغلان.
بكري اتوغ اش العرس اقن سغرمان نغزر انلكزاب اتوبرماج دس اقت المسرحية دسات مدان اساولان دس فتمدورت انمدان ادون الان رقبان تمدورتنسان دقت المناسبة جروان دس يغلب انمدان اترزم تطاوين تسفاقاتان فون الان اضرى ادسسنسان.
اماشي ادفغان يغلب ننازوران اتغنان استوتلايت انتوغرسانت انعمر العادل تدشلا نوتشيدان ادمناو اضضنين ادجين انشاننسان احرش نالفن اغزر انوغلان ددزير يغلب اسسيان امضانانغ بدان سوغانى ادورني غال دسات.
اما فون اعنان انازوران اندهنت لعراس دالمناسبات اغلان ادوزغار اننو نجمان باش ادسلين الفن غال اوجانا انعمر داودي بوسعدة ادمناو اضضنين ادجين انشاننسان تمدروت انوغلان.
سمكراس دخ الان اتارين ستوتلايت انتوغارسنت يلا غرنغ عبد الوهاب فخار لعساكر انجمان باش ادسوضان اوال دتكرداوين غال ايولو مدان اساولان فتمدروت نات اغرسان دومزروي دكل بيلا شرى اقان اسوغلان
اس انتام جوان دس الان تسونجام دس ادزير اس نونازور دايولو وس انده احرش نضلس دقت المناسبة نوسونجم انمدنو ادوقول غرسان دتمشراس الان تدران دسنت.