تداقين نالزيتون

احرش نتكرزت يرقب اقن وزداق ايزعم اسقسنو امدجورا دالولاية نتغردايت بالخصوص انكال انتداقين نالزيتون ايرني امضاننسنت فشارد انتتشال اتوض غال ونكال ناجار نالف هكتار اديسنت 500 الف انتداقين مان اش اسقس اكرازان رنين امضان انتداقين اموني دفر اتاف انمناو ندباب نريال اتغوس انوسلفي نالكابنيات انوعصار نالزيتون اتوغان اكرزان اتافن توعري باش ادسوضان الغلتنسان غال الكابنيات انوعصار الولايات ادجوجنت.
الغلة امارو اتاوض الولاية نتغردايت غال 30 قنطار الهكتار اقن اموني جار ارغمان انلقرارة دحاسي لفحل زلفانة المنيعة
دتغردايت.
شارد نالمعصرات الانت خدمنت جار ات ازجن ادلقرارة دتغردايت يجو يغلب نكرزان ادفرنان انكال نالزيتون الان اتاف امانس مع الطقس انتنري اماشي يلا الحال دواد سوف اتيوي تضفوين ايزعمنت اجار نتمو نالظهرة مان تداقين اولتسحقنت يغلب امان اتصبر ايالحمان دترمزي اترى دخ احبو نجدي دالغبار فتجموين دالغلات تضضنتين.
التجربة انونكال نالزيتون تنيري تبدى اسقس 2015 جار مناوت الولايات انبسكرة دالاغواط دالواد دتغردايت ادورجلان اوينتد تضفوين توحديين.
تنري انغ الصحراء ندزير اتنجم اتسشش اجار 40 مليون انمدان المانداد انتضفوين توحديين مان يغلب نالغلات اتاسنتد استنري اجار نالظهرة.