دزاير نتاث ذول والمصلحث انس اق مزوارو

كم ان وسان ويمواطنن نتمورث النغ اتراجان مانك اذيعدا اس نالفوط، اتراجان اقارقاي ان لوطن فو بريذ ان لامان، لكي ناس ان لخميس اذ واسناطي انان العكس نالشي اقلان ضورن فلاس اطاوين نتمورا جملة، ارناس هييذين اقلان اترجان قي «الربيع العربي قي دزاير».
ارقن امواطنن اذ يوذان ان لوطن النغم نداخل نوشال انس انيغ برانس،ماني كل ويشت يوشا الصوض انس مانك اذينين اس ان 18 سق يوراي ماندوا اسواي نتمورث يلان اخسنث امواطنن اذييلي اف ييخف نالحكم.
النسبة نالمشاركة قي الفوط هقار بلي الغيرث نالواشون اذ يوذان ندزاير اهن ايقين قي خفاون انسن المصلحة نتمورث، اواي مانط اذصكرن اطاوين اقلان الانت فذكنت فدزاير، انيناس بلي امواطنن نتمورث ندزاير اهن غرسن شال ان لوطن نتا اق مزوارو ازاث ان كل الحاشت، بالخصوص او سي يلا ماندوا اقلان يتراجا اقاذعاس انس قي الزمام نالدول اقلان ايرارن اس ووسم ان تيفسوين، انان بلي اهن بدن اقوذم ان هييدين اقلان اتضوران لوطن انسن سد وان ووسم ن»الربيع العربي»، افسوين يلان سي المفروض اتيلي ذيس هزيزوا يلان اورناس اقران ذالغلة تامقرانت.
امواطنن ندزاير انان قي الفوطاي بلي اهن وليش امكل ويش يخس لمضرة نتمورث انس، لكينا كدن بلي ماشتا اخسن اسغمي نتمورث اتيلي في فاسن انسن ذو سرسي ني فاسن سكل قي بعضاسن سدو ان لعلام نتمورث اقلان اموثن فلاس اهباب انسن، همورث اقلان هسوا اذامن ان هاروانس قي الثور ثان نوفمبر اقلان هذعس قي التاريخ او هولا اذ لمثل، فلجالت ان واسقاض سنق نومليون نوشهيد فلجالت ان هيللي ذو سرقي نوبراني سق شال انس.
اق نقارو انيني المهم نتا اغماي نتمورث ذوكمل نالمشروعاث يلان اضضمنن الحل ني نزقان خير الله بالخصوص هييذين يلان كرفن ايذ نالجيل ان وايتشا.