باسم الله بديت 15

- غالي غالي والغالي ربي ،مهما تروح وتغيب معزتك في قلبي.
- طليت على البحر وشتكيتلو همي وانطق ليا البحر وقالي يفرج وبحبك سالم غانم والتكلان على ربي.
- خرجت في نصاف الليالي وطلبت معبودي قلت يا ربي اجمع شملي مع شمل محبوبي
قال نديك وباه نولي هاني هربت منا جاني هربت ملهيه جاني.
- نمت والله والمنام رؤية من عند ربي حمامة بيضة جات حطت على كتفي.
- مشيت الليل وحدي وانا نبكي وانا نادي يا ربي لعزيز سقملي سعدي.
- أرفدت لبريق وتوضيت وربي عطاني ما تمنيت.
- عينيك توت وحواجبك ياقوت أنا نديك واللي يبغي يموت ويموت.
- عيني عين لحبيب ولساني حاشم تمينيت ندير الحنة ونزيد الخاتم.
- كي يتلاقى المليح مع المليح يتوادو البنينة،وكي يتلاقى المليح مع الوني يشبعو الغبينة وكي يتلاقى الدوني مع الدوني يغرقو السفينة.
- ربي يسترك ويحفظك، يقولو الصبر ثمرة تاعو حلوة راح تلقى واش عمرك تهوى وتصفالك ليام، وتشرب مع لحباب قهوة صافية، وإن شاء الله كل ما تهوى.
- جايز على باب دارنا، لابس تلمساني، قلتلو يا شيخ بالاك تنساني، قالى والله ما ننساك، ونصيبك على ربي جاه و سلطاني..
- عسل يا عسل في باقة خضرا، يا شميمت العاشقين يا قمرا، حلف سيد الملاح ما يرأس أمر غير إذا جات غزالته باش تكمل الحضرة.