العطلث نتافسوث ...الفرصث نذراري باش آحوسن و آذيرارن

هوسيد آفسوث وأرين إيقداشن غالعطلث باش أريحن وسي الزهر أنسن الحال يحلى أوساناي، وأرنين ألان بوها نتغاوسيوين إيذراري باش أريحن وأذيرارن من بعدما تعبن ذي القرايث أنسن وذاذفن غدرن المرث آغ أجايا .
والوالدين أزرنين ذي العطلث نذراري ذالفرصث باش أذاونيهن آحوسن ذي الغوابي أم بوشاوي غن إذورارن أم الشريعة، ويلا ثلاني أرماس نذراري أغ هييت أمغلافث نلغروز و نسبور ذي «سافكس»، أمكان باش أذيرارن و آزهان و أرنين الجمعياث أغ شاركنت اييناسن بوها نتغاوسيوين باش أسيغناسن ماتا أبغان أم «ثيزيري »، «أنيس الشباب» ، «تويسكو» .
والمحفل أي يسيغ الفرصث إيذراري باش أسرين القدراث أنسن ذي الحرفاث، الخدمث نوفوس، وآرسام و بوها نتغاويوسن باش أسرثاحن قلي، وألان لعوايل إيطنين أغ خيرن أروحن أذزرن لَهْلْ أنسن آغ بعدن فلاَّسَنْ.
وتآفسوث ذي الدزاير غرس بوها نلعوايد آغ أوعانتيت أم تقوقلا ذي المواكل أم موقفول، البراج، أغروم نتيملالين، أبربوش سلخوضرث نلموسم آي، التويزة باش عاونن الفُقَارَا، و باش أساذفن الفرحث إو لاوين نصغرا، وأسنعثاسن العوايد نتموث أنغ باش أقيمن دايما تعاودنيهن غير ما كبرن .