إقداشن انباثنت خدمن ذي العطلة بشام أذسغن القشن ذي ثوليث انلقرايث

اتعوانن ألوالدين انسن

سدعدا رمضان اوسقرا وإقداشن نالولايث انباثنت اتوجاذن غيماننسن إثوليث أنلقرايث ، خاطر أبذون اتفتيفن ذي لباس انلخذايم بشام أذسغن القش انلقرايث ذلوازم نالدخول المدريبشام اذقانش طول إوالدين انسن اسغتانغ سيتو كعاد الحال يغلاي لاس وادريث نميرا طلبن لباس نتغوسوين.
إقداشن انؤامؤأسقاسأذعوشرن برك واذبذون اتحواسن فالخذايم إهنتسعاذن ام زنز نالخوضرث انغ اذخدمن ذي السبيراث انيغ اذروحن لفاج ... بشام ادبرن قلي نالمصروف إثوليث انلقايث ، وسقسو الجرنال ڤنالشعبڤ، قلي نقداشن اقلا اننانغ بلي الحال يغلاي اونهنين ذي لباس ذثداه اوبشام أذسغن القش إخسن والادوات إحواجن، لازم اثكسن فإغالننسن واثخذم ذالعطلة نالصيف خير ما اذقيمن امين اتنوغن إيذ نإعشيرن واتقن المشاكل إلوالدين انسن، والظاهرة ياي ثلا ذالدزاير كامل.
لحذمت نالدريث ذي الصيف بشام اذوجذن إدخول المدرسي ماشي غير فالدريث حتى ثهون اقنهنتين اتنت لكوشي خدمنت لبسطاث، أتقنت أسمسم إثجوباب أثتسلكهنت أثخياط واللانت حتى ثي أقتروحان غنالتحفافين اتعوننهنت سالح انسنت.
إقداشن نالجامعة اقنهنين اتعاونن إيماننسن أسلباس انلخذايم سيرتو نهنين أقعمر أقلي او تقاون اذخذمن لخذايم اوعرنت أقلي البنيان خذمن ذمنفرين، انيغ خدمن لفلاحث سيرتو ذي القجاث نالجاج ماني إتروحان زيك نتصبحيث وأذعلفن إقوزاث وأسنمسح وأسنقن امن وأهنعوسن مليح اومبعد وادروحن ، أيذ نإقداشن أزنززان لمحاجب سيرتو ماني إقرقا رمضان.
المهيم ذي الشياي كامل بلي اقداشن انلوراس امقران اتنافيقان فيماننسن بشام أذكسن انزقوم انسن فالوزالدين أنسن أقلا لتان غير سقداشن أمزيانن.