اغرمان اجددان دالولاية نتغردايت

تلا ترقب الولاية تتغردايت اسقسن امدجورا بالخصوص دفر مساح نوسقس 2008 اسلف نمناو اغرمان دموشان نوعمار دجديدان دمناوت تمو سوغرم نتغردايت غال المنيعة غال لقرارة .
سغرمان انغ اموشان نوعمار اجديدان اغرم اجديد نبوليلة اجانا نتجم نتغردايت مان يغلب نمدان موران تمورا دنج ووريراموني دفر مساح 2008 ايسضورت مدان ابنان ايدران نغزر اتان لوصية نمزوارامنعان ادسلي نغرمان ايدران نغزر فنجال نالخطر نسافان الان اوعران امش.
اماشي اتلا ترقب تم نواد نشو اقن اوشاشي ايزعلك البنيان نمرشدان الان تالند دن انالمركز نوستغل نالصهد نتفويت دللوف نتدار نوعمار يج تمي اتعمر تتشلت سمدان ادوسين سايولو تمو نالولاية دوزغار.
اغرم اجديد دخ الان ابريد نونفاج ابريد نوراجلان الان دس يغلب نمرشدان نوعمار دموشان نوعزام سقت 400 هكتار انالجامعة نتغردايت دالمراكز نوبراس دولماد يج دخ تمي اتشمر للوف نمدان .
امرشيد وضضن دخ اتلا تعول غفس الدولة دين اغرم اجديد نالمنيعة الان ادشمر اقت 30 الف نمدان سا غال 2020 م .اسوي نوغرم دين اسمنكز نالدرك الان فوغرم اكبوردسلي نقن اوغرم دس قاع انسحقان مدان تمدورت اوللين اغرم اكبورالان اولنجمان اتحكمان دس فنجال نورني نمدان دالبنيان يجد يغلب نتمشراس فالبيئة. دتمورا نتكرزت.
اغرم نلقرارة دغنت يلا ارقب اقن اوسع غال ازوغار ايالنية نوحافظ فتمورا نتكرزت دالغلة نتجموين اموني دفر ارني نمدان الان سحقان انتم نبوقرطاس دتم نبريان ابريد نلقرارة الان دقت تم تووش اوبنى دوعمار دسمنكز نالدرك فوغرن نبريان سقة 100 هكتار.
الولاية نتغردايت تخصص اقت شارد مليار دينار امرشدان نالبنيان دوعمار دوبنة نغربازن دتدار نتزمار دون اسحقان مدان تمدورتنساندقن الحل نوسمنكز مالغاشي سوماس نغزر نلمزاب الان اولتنجم ادشمرقاع مدان الان ادجورن رنين سوسقس غال اوسقس.