اغرم نتفلالت نات ازجن

لقصر اجديد نتفلالت اديوس اجنا نوغرم نات ازجن دقت التجرية ايتزعم اتوس سوفوس نالدكتور عبد الله نوح اسقسان نالتسعينات اينجح باش ادسلي اقن اةغرم دجديد دنج اقن وورير نوضوغ سقت الهندسة نالبنيان نمزوار ايستاف دس التاولات نماروا.
امرشيد نوغرم نتفلالت يبدى اسن 13 مارس اسقس 1997 اسويس دين اسمنكز نالدرك دالغاشي الان فوغرم نات ازجن مع احافظ فتمورا نتكرزن الان تجموين قبل ما ادقضعنت اماس نالبيطون اماشي يلا الحال دالغابة تغردايت. يغلب نمدان اوفين مان ادبنان ادعمران حافظان فتمورا دتجموين تدليين دالتاولات نوزون نومان اطفان دتصران نمزوار ابنان دنج اورران دتموار اقورانت.
اغرم دس 22.5 هكتار دس الف نتدار اتووشنت اياالفائدة نوس لاشغرس دوس يورس يضعف اديولي ستوزى دعافرنقاع مدان امقران ابزان. اش اسبي جرون امكراس نتزكروين اوصافا دززدق نغولاد اماس نالفرحة اتقدى سقت اوغجار فمارا دفر اس نوخدام دونداه.
اماشي يلا اتوجاد اقن امرشيد نوربى نالهوش ازغار نوغرم اوسبهى نالحالة. اسوس دين اسطار نالنعمة اتقمان تداراتوغ اثقضع الغش مع ارني نونكال نتداقين دايولوا تمو دموشان نورران نمزنان اغرم اوضناس يغلب نالوفود نتمورا نالدنت اقمانى بارن سالفكرة الان تود تضفوين توحديين احرش نوعمار اماشي ازورت اسلواي نتقدد عبد العزيز بوتفليقة اسقس2003 مان يسوتر سيدباب نوحرش نالبنيان باش ادبين الفكرة نعبد الله نوح دطبقاس دمناو اغرمان دقت التجرية الان اتسمونكز تالوفت نوعمار دزير.