لبراج إيغرفين ، المقفول لمواكل نالموسم

هوسيد أفسوث و فيرس الورد غن مامك نقار غرنخ هنور الدونيث إي تمورث ندزاير ماني يزها الحال و هولا أورث أنغ تازيزاوث ، و الجو آي فرحناس إيمازغين و تراين ذي الجماعاث سي العوايل إنيذ نالذر و تغن بوها نلعوايد باش أسيغن المعنى نوزيزه.
و معروف فلعوايل ندزاير و سلخصوص غل إيمازيغن بوها لمواكل ذي الموسم آي ، ماني تغن آغروم سرغس و نقاراس « إيمبرجث « و ساعرابث «المبرجة» ، و الماكلث آي غرس أمكان يحلى ذي غولاون نوذان أنغ خطراش هتمعنى فلعوايذ أنغ و تحملنيت إيمزانن غن إيمقرانن ، الخالاث غن إيريازن و الماكلث آي تامعروفث بوها غل إيشاوين .
و لانت لعوايل آغ تقنت إيغرفين ، آمقفول سبوها نالخضرث غن مامك قارن «المسفوف» و تشرشمن إيملالين و نتلاقى العوايد آي غ تمورث نلقبايل ، و الشي ياي يتسعنث ماممك أرياز نومايغ يثعليق سمورث أنس وسالخيراث أنس.
و الشي آي ماشي ذاغريب خطراش أرياز نومازيغ معروف فلاس بلي حتى يجا مر أمورث أنس و روح غ همورا يطنين خطراش أمورث أنس هلا و هلوشي دايما أمورث نالخير.