احرش انودال المعهد نامي سعيد

المعهد نامي سعيد سديلفى اسقس 1973 فكرن امزوار اسلف انودال انغ الرياضة الان دالساس نتمدورت ننلمادان اعزمان المعهد.
سدودال امزوار ادسلفان المعهد دين النادي نالجيدو الان يدجور غال اماروا دفر 40 نسقسان اسوفغد يغلب ننلمادان دسلمادان.
سمزوار ابدان ادال انغ اسلماد نالجيدو المعهد محمد قزريط ايبدى اسلماد دوسلي نالريضتو اتبدى اسقس 1976 يلا غرس 40 نسقان نت اتعافار اخدم انجم باش اسيوش انشان ايالمعهد فنجال نالجيدو اتوض الشهرتس دكل انشان.
محمد يبدى الماد نالجيدو اغرم نقسنطينة اسقس 1967سني اوط غال وغلان مان يرني اخدام ادولماد ال ادتوعين دقن سالحكام نتمورت ندزير امبعد اسقس 1996دقن سالحكام نتمورات نافريقيا .
سنلمادن دخ ادفغان سالنادي كارة مصطفى. عيسى بوكراع انجمان ادمثلان المعهد يغلب نالمناسبات دزير ادوزغار اويند تضفوين توحديين شرفان اغلان دالمعهد نامي سعيد.
المعهد لاش دس غير ادال نالجيدو يلا دس دخ مناوت الاختصصات تضضنتين انوسلماد تتلمادن دمكراس الاي تزدايت دقت الحرفة اوفين دس ادموان نالمعهد اقت الفايدة فكرن اسلف نالاختصاصو اويد تضفوين توحديين اسقسنو امدجورا.
اونسونجم بل المعهد نامي سعيد اتوسلف اسن نومزوار ناكتوبر اسقس 1973 سوفوس انمناو امجاهدان انالحاج داود حواش ادمناو اضضنين دفر مناواسقسان افغند اسس للوف نالاطارات الان دكل انشان تمورت ندزير.