نتا اقسبهاين العرس ويحكى فالفحولية ني شاوين

سمدعدا الصيف ذي الولاياث انلوراس امقران ولعوايل تقنت ذي لعراس ولفراح نالريش انيغ ايا نطهارث وحتى لفراح ننجاحاث ماني ادولان اسقاس ذالمودا تامقرانت وثغاوس اقلا لازم اتيلي ذي لعراس نشاوين الرحابة ذالباروذ اقلا يسبيان بلي لعراس نشاوين ولماليث انس فرح سالعرس ذين.
اذعقبش العرس ذيباثنت بلا ماآحظرن ذيس لمباردية اقلا رفذن الموكحلاث وتشاثن البارود ذي كل امكان سيرتو غنلماليث نالعرس يخس غنهيوي انيغ نتسليث وتشاث مليح بغير اذبذون ارحابن ترحابن خاطر الشياي يلا زيك زيك ذي لعوايد ذالتقاليد نشاوين اقلا يتعباراوثاي نالبارود غرسن فالحرمة ذالفحولية ولباس نالقيم ني ريازن لحرار.
الجرنال ن»الشعب» يرقا يسقسوا لباس نيوذان اقلا اننانغ بلي اتحبان اوثاي نالبارود خير نلباس نتغاوسوين ذي لعراس وحتى خير نمنسي اقلا يتموقا المعاريض وانيجيون، وفالجال نالشياي ارينتت الفرق اتشاثنت البارود وسعلامنت ايا اقلا اخسن اذوثن وولان اتروحان حتى سي اصوردان خاطر اتزهان العرس مليح سقمذبذو بغير اذكمل واذروحن الغاشي سي لصال انلعراس،ويقور ايذ نالبارود الفرق نالخيالة اذلعواوذ اقلا شطحنت ذقبريذ وتدجانت العرس غرس القوث آمقران طول .
وبغير اتموق السهريث ذي اقيط يتيلي عن الباروذ اوال سيرتو اميرا ذي لعراس اقلا اتموقان ذي الدواور ماني يلاّ ليستاع او وليش لباس نالديرنجمو ماشي املعراس اقلا اتموقان ذي لصال ماني اهندجاش باب انصال اذوثن مليح وسبدلنهن لمباردية سجماعث نالقرقابو اقلا تبندارن لباس وتشان قلي نالباروذ.
ونخس انيني بلي العاداث ني إشاوين احلانت مليح وذيسنت الفحولية ولازم اذيلين ذيسنت الرحابة ذلمباردية اقلا هذغنان فالتراث ذ التاريخ نالدزاير.