لغنا نالخلاث ذي لعراس سبندير ورعان غرس امكان ذي لعراس نشاوين احرورن

سبذونت لعراس ذي ثمورث انلوراس أمقران ولعوايل ورعان تحافظنت فالتراث انزيك سيرتو ذي بعض انلوماكل وذي التقاليد اذلعوايد اقلا ورثنهنت فالجدود سيرت ولغنا نالخلاث اقلا يقيم وغرس امكان واذقاويش تكنولوجيا نلفنانين انيغ نالديجي اتكس خاطر ورعان اتحابن يخس ارقازن الرحابة انيغ الخلاث لغنا نبندير.
انمتقواش انشاخ فلعراس نشاوين بلا ما هنحكا فلغنا نخلاث اقلا تقنت 4 فالجيهث و4 فالجيهث سوكل ثمطوث سالجيهث ثرفذ ابندير وثتشتاثيث مليح ولازم اتيل سي الخلاث اقلا تحبان تلغنا وسننت مامك اذوثنت ابندير خاطر كل أوال غرس اوثاي انس وحذس، و حتى ماني اقعب لعوام اذلسنين فالثورث ورعان ثحضر ذي لغنا نشاوين.
وحتى لغنا فارقازن نثور لحرار ورعان غرس امكان امووال يحي بن بولعيد ويسقط ديغول ولغنياي ذي الوقث انس يتوتش القوث المجاهدين انيغ يالحاج لخضر يامول الشاش لصفر....شوبانك ليس عسكر سرح للجيش يهمل ولان اولناي حتى ذيس لسرار نالثورث بشام المجاهدين اذفهمن بلي اس لفلانس لازم اذرقن اذقن العملياث ضد الإستعمار انيغ اذاغن لحياط خاطر ثوقير اسن البيعث.
وسقوالن اقلا ورعان تغنان ذي لفراح اذلعراس نشاوين يخس ذي باثنت انيغ ذي خنشلة، ام البواقي، قالمة اولاي...اها يمغار سرح اممك اذيالي اذرار...يوفا لهنا ويخس اذيرار وثتوغنا اولياي.
ويغير اذتغنانت الهلاث لازم اذيلنت ثيا اقلا اثسغريثنت مليح بشام اذرنين الغناياث اذعيطنت مليح وادرفذنت اولالن سلقدر واذسلحقنت لغنا سالشطيح انلحراير انلوراس اقلا يتاوي لعقول ذالاون نإرقازن.
وبغير اذكملت اوال تمجمالنت وتخمامت مليح ذقوال اجديذ وتربتانت مليح بشام ثيا اقلا اثسينتتش انيغ اثحفيظنتش اذقاوانت اثغنانت، وذي اقيط لازم العرس نشاوين احرورن اذكمل سلغنا نالرحابة اقلا ثتواس ذي العالم كامل.