لعوايل انلوراس امقارن اتقنت لعروس ذي العوطلت خاطر اقداشن اذقرانش واذقوانت اذمجمالنت مليح

أوفيت لعوايل انلوراس امقران الفرصة نالعوطلت نالربيع نقداشن بشام اذقن قلي نلفراح اذلعراس قبل مهدعدا يور نالصيف اقلا هدياس اسقاس ذي رمضان العظيم وبذونت اوجذ خاطر العوطلت نالربيع ثعقب ليه ليه ويحلا الجو انس وتقاونت لعوايل كامل اذمجمالنت خاطر اقداشنسنت اذقرانش سيرتو لعوايل أقلا الفاميلت انسنت بعذنت قلي فمكان اتيلينت.
لفراح انلوراس ذي العوطلت غرس الذوق يحلا لباس خاطر اسقاس رمضان هدعدا زيك ولازم اسوجذنت وحس لباس نتغاوسوين خاطر اجزايرين كامل حسبن ذي رمضان املعيذ وتحبارن ذيس مليح، وثغاوس ثاني حتى ليصال انلعراس اذيلنت عرمنت واذقوانت اذسحطرنت ذيسنت الفاميلت انسنت ولعوايل اقلا اذقاوينت اذقنت لوفال انسنت اميرا ذي العوطلت لازم اذسوقيرنت بغير اذعدا رمضان .
لعراس نشاوين ورعان ذيسن الريحث انلعراس انزيك سيرتو ايا اقلا اتموقان ذي الدوار خاطر توحاشن لفراح انزيك ماني اقلا الخير اذلهنا ذالفاميلت نتاث اقتبدان اكلشي، سيرتو اوثاي نالباروذ ذالرحابة ذشخشوخ اقلا لازم اذموق بشام ادبان بلي ذالعرس نشاوين فرحن ذيس لعباذ كامل يخس ذالفاميلت انيغ ذعشيرن.
ومات اقعاون يوذان بشام اذزربن اذقن لعراس الشروط اجدذن اقلا اموقن ذي لباس نتمورا امحدد نالمهر واسهل اقلا يتواشرط فوسلي بشام اذيرش وازراب نموقي نالعرس خاطر اطول ديما يتق المشاكل جار انسيبن ذي اسلان واتعرم ثوثلايث نيوذان فلجال نشياي الولاياث انلوراس اوفينت ذي العوطلت الفرصث ثحلا مليح بشام اذقن قلي نلفراح واذثهنان .