لعراس انلوراس انزيك روحن ايذ نزمان انزيك يحلان

سقعدا رمضان العظيم ولعوايل انلوراس امقران بتقنت ذي لعراس أذلفراح أقلا اجلنهت، ماني إتواطفنت لصال انلعراس كامل، ثباند ذي لعوماي انقورا الظاهيرث تجديت ذي لوراس امقران ماني اولان لعراس كامل اتموقان ذي لصال سبيسيال وبعذنت لعوايل العداث ذالتقاليد انلجدود ماني اتموقان لعراس اذلفراح ذي ثدار وتمعوانن اعشيرن كامل فوجذ اقلا يتيلي سوسان عرم اقبل بصح الوقث نميرا كل حد اولى يتشاث فلقراد انس امين اقارن ايا انزيك وولان لهل نالعرس احترن اوالوا س ثغاوسوين انس يخس امبربوش انغ المقروذ انيغ القاطواث وحتى اشخشوخ يولى يتموقا غنبرانين ولان لمالين نالعرس اتساند امبرانيين توعراضن امنهنين املمعارض كامل.
لعوايذ انزيك روحنت كامل، ماني اللان لعروس نشاوين يتموشا اسن لمثل ذي الجزاير كامل سي تعاون نعشرين اذلماليث نالعرس ويعقب سالخير اذلهنا تمفوكان ذي ثساوث اذلغطا اذلماعن وحد يتق الديسر وحد يقطاد وكل حد يتفوكا سالجيهث.
بصح اميرا مين اثسقسو «الشعب» لباس نباتنين ماني اغننان بلي الجيل نميرا نتا اقلا يولا يتطف ذثموسلاي زثيرا التكنولوجيا ذالتلفزيون الدور ذامقران ذي التأثير فراي نلماليث نالعرس وقيمن برك تمعناذن منوا اقلا هذيق العرس يحلا وذيس الخير ولباس نتغاوسوين اقلا اذلزمتش طول المهيم اذنين يوذان بلي فلان اقا العرس يحلا، تفيان لوماكل وتشاثن الباروذ لباس وتقن الديسك جوكي وتاوين لمغنيين وتقين ذي لمعشاث لوماكل تجديذين وخطانت نتمورث انغ.
وسلخصوص انلصال ولان لهل نسلس انيغ انتسليث اتروحان امبرانين كرين لصال سمليان وتروحان فزقنا نواس وترواحن فلعذلان انيط غنتدار انس بصح زيك الان يوذان اقبعذن واقلا قربند اتنوس وتقن ثصباحث وتمعاونن فتغاوسوين نالعرس امسيرث ولباس نتغاوسوين اقلا روحت ايذ نزمان انزيك اقحلان.