بوقالات2

لويزة حنون: عسل يا عسل في باقة حنون خضرا، يا شميمت العاشقين يا لويزا يا قمرا، سيد الملاح حلف بالنجاح كون جا عندو منك عشرا، وقال بلي ما يرأس الحكومة غير إذا جات غزالته باش تكمل الحضرة...
*
عبد الله جاب الله
*
يا شمس واش بيك عليا ذابلة، إلا بيك الإصلاح راني نفكر فيك، وإذا بيك النهضة ربي ما يتخلى عليك، وإذا بيك العديان اللي داروها بيا وبيك... الحكمة تقول اللي ماهو ليك غير يعييك..
*
*
كريم طابو
*
نزلت لقاع البحر خرجت لي جنية قالت لي وشبيك يا طابو مهموم، تكلم افتح قلبك ليا، قلت لها يا مولاتي هذاك حبيبي الداحسين أداوه عليا، قلبي معاه في سويسرا وقلبو ما داري بيا...
*
*
سعيد سعدي
*
سفينة جات من فرنسا ولا من ماريكان لاقيتها باللوز والسكر ورشيت سواريها وعروشها بالورد والياسمين، و بالمسك والعنبر عطرت أماليها، إذا ما قدرتش ندي السلطة بالفوط ركاب السفينة جاو يركبوني فيها...
*
*
موسى تواتي
*
غرست ياسمينه في وسط الدار، عروقها سنكجير (الجبهة) واطرافها زنجار (الوطنية)، يما يايما على الأفانا والأفلان، محلى عشق الجار للجار، العين تخزر في العين والقلب على السلطة شاعله فيه النار.
*