اعاون نزوالين والشربة سي ازلفن نتاث اقسبهاين لمايدة انرمطان

اعداد رمطان ذي مورث نالدزاير سالخير اذلهنا ماني انزوم سن اوسان احلان لباس سيرتو ماني ادرزق ربي ثامورث انلوراس امقران سالخير انلمطر اقلا ثوثا وثسروا ثمورا واسوين لجنناث ويوسد الحال يبرذ ع الكيف سيرت ذاقا سماني اقران الدريث واتزومن اخدامن.
باثنت سيثلا ونتا ثتاواسن بلي رمضان انس ديس الخير ذامقران سيرتو ماني اتمعاونن المواطنين وتمسباقن فموقين الخير ذي اقزوالين سيرتو القفة انرمطان اقلا ثتوافرق اسقاس قبل رمطان او ورعان البلدياث اذلجوامع فرقن ذيس فامحتاجن، وارنين اتوتشناسن اصردان بشام اذسوقيرن اسان امزورا ونهنين غرسن كلشي وبلا ماهذخوصن حتى التغاوسا.
سميثلا ثامورث انلوراس امقران ونتاث ثسفثاح اوسان امزورا انرمضان سموقي انلباس نلوماكل اقلا تحبانهنت يوذان سيرتو ذي رمطان ام شوربة سازلفن اقلا نتاث اذ لالاة نلمادث انرمطان ماني ادقطان لحراير انرواس ازلفن ورحانهنت ومن بعد تعاوذنت اتسيارنهنت بشام ادرقن ذزداذن واحلان، وثغاوسا اقلا لازم اتيلي ذي لمايدة انلوراس لماكلث نالبوراك اقلا يتموقا تقريب كل يوم، خاطر اتحبانت لعباذ.
و بتونت اس امزوارو لعوايل انلوراس تمعراضنت واصرفنت لوماكل جراثسنت ذي لسحنان اتاوينهنت اغلا نتزاليت نلمغرب انيغ قبل سيرتو ماني اتروحانت لعوايل كامل غتزاليت نتراويح ذي لجوامع اقلا عاوذن بنترهن بشام اذيلين احلا وابهان واصفان خاطر استقبالن لباس نلعباذ سي مونكل لعمار.
افوكي ذ التضامن ذي رمضان ذالصيفث يتواسن ايس لوراس امقران سيرتو ذي ريسطوراث نالرحمث اقلا رزمنت فالجال نزوالين ذيا نوبريذ ذي منكل امكان سيرتو في ابريذن امقران انيغ ذي البلدياث ثمقرانين اقلا طبخنت وكل أس اتوتشنت لوماكل العوايل اقلا ،وطلبنت لعوايل انلوراس امقران سي ربي اذعقب رمضان سي الخير اذلهنا.