العيذ امزيان ذي لوراس ذالفرصة بشام أذحافظنت لعوايل فالعداث ذالتقاليد

ما يكثب ربي سبحانو هدعدا العيذ امزيان ذي ثمورث نالجزاير أذتشا أن شاء الله أس الحد ماني انزوم رمضان نسقاس سالخير اذلهنا، وأبذونت لعوايل انلوراي امقران توجاذنت إلعيذ أمزيان، ماني إتسياقنت ثدار وأساغنت القش إدريث أنست وأتقنت القاطواث، ذأشخشوخ أقلا لازم أذيلي ذي كل أقربي ذي لوراس امقران أمين إغننانت قلي أنلعوايل أقلا أوفينت العيذ نسقاس ذالفرصة بشام أذسعلمنت قلي ثهون نالوقثاي مما مك أذحافظنت فالعاداث ذالتقاليد انغ أقلا إوذقاويش الإستعمار الفرني أهنتيمحو سقاس امزوارو ماني ادعدا ثامورث انغ، سيرتو لعوايد اقلا تبيانت الكرمذالاخلاق نجزايرين.
العيذ أسقاس يوطيد اميناط ذي السخانت بصح الشياي أذمنعش بشام لعوايل أذوجذنت إيماننست مليح إلمناسبياي أقلا تفريحن ذيس الدريث مليح، ويتاسد أشخشوخ ونتا ذالماكلت معروفة مليح ذي لوراس فإخف نلماكل أقلا لازم أذيلينت أس العسذ أمزوالو إيذ نالقاطو نالكروكي أقلا أقرنتاس ثمغارين انزيك القاطو أنلستقلال.
ثغاوس ثيشت ثحلا نتاث لعوايل اتراقنت اساغنتيد القش إدريث أنسنت بشام اذفرحن وثاني لازم لوماعن ذي إجديذن والميناج إثدار، خاطر كل العايلت ذي لوراس لازم أتستقبل لباس أنلعوايل ماني إتمروحان مليح بشام أذحافظن فالصلة نالرحم أقلا إوصى فلاس ربي ذالنبي.
العيذ ذي لوراس غرس القو يحلا مليح ماني ابتون ايس الدريث ستنفايخين تموحرقين بشام اذيالي الخير اذلهنا ذالحب انس اجنا واثهنان امقرانن واذتون اقنهنين كل ثغاوسوين اقلا اذحلينتش ذقلاون انس.
اجبي فيا اقموثن غرس القيمت تامقرانت ذيثمورث انلوراس ماني اتشراينت ثمقبرين سيوذان اقلا تزورن لحباب انس اقلا موثن واذثرحمن فلاسن واذطلبن ربي اسنيغفر واهنسعدا الجنث.