لعوايل انلوراس أمقران تحفاظنت لباس فالتقاليد انسنت ذرمضان المعظم

إعداد رمضان نسقاس سالصحث اذلهنا ذي ثمورث نالجزاير كامل، ونسعقب أسيس أميرا أسمانت، ماني اقلا ذالفرصث بشام أذحافظنت ذيس لعوايل انلوراس امقران فلباس نلعوايذ ذالتقاليد أقلا اثربانت فلاسنت وسعلامنهنت الجيال نيمرا.
يتواسن رمضان ذي باثنت بلي اتوجاذنتاس لعوايل سلباس نالوقث قبل ما هدعدا، سيرتو ثغاوسوين نتكوزينت ام لحروراث انتاسيلث ، أذلماعن إجديذن، او لباس نتغاوسوين، أقلا أسغاهنهت تجديذين بشام أذبينت بلي فرحنت سيور أنر مضان.
العايلاث أنلوراس ام باثنت انيغ خنشلة، انيغ ا البواقي والبرج وحتى قالمة أتقنت ديما وكل أسقاس ذرمضان لباس نلماكل، بصح ديما ثتغيما «الشوربة» نتاث ذالملكث نالمايدة إيذ نالبوراك أقلان لازم أذيلين كل أسا فالمايدة، وأغلا انلفضور أتروحان إشاوين الجامع اذزالن التراويح ، أوثتراق غنمكان انربي تقريب العايلة أول أمقران ذو أمزيان، اتروحان غنلجوامع أقلا اسلين إسن بلي ذيس الشيوخ قران القران أمليح، او أغلى نتالراويح أثبت العايلت انلوراس ثتروح سيرتو ذي أقسان غمزورا ثتروح ثتزور لهلنس ، خاطر ذوقاس إغلبيهن رمضان اويرن يحما الحال او كل حد يلتى سالامور أنس بصح أغلى نالمغرب نورمال اتمروحان، واغلى نالسمانت ثمزواروث بتونت العوايل أنباثنت تمعراضن جارثسن، اول كل أسا اتمغرابن اغنيض سيرتو أوماثن ، خاطر أذتافنش الفرصة ثحلى امتاي بشام أذسحنن اوللاوننس فبعضاسن.
وبغير أذعذل رمضان ازقننس بتونت لعوايل اتوجاذنت إلعيذ أمزيان، فأغلى أنفطور اتروحانت ثحونا بشام أثسغنت أقش غدريث أنمس وأداوينت ثغاوسوين نالقاطو بشام بغير أدخلذ العيذ أذيلينت وجذنت إماننسنت ، وأذلتانت سشخشوخ أقلا لازم اذيلي نتا اذلفظور أنسن أس العيذ أمزوارو، العداثاي أقيمنت ذالأوراس سي الزمان ذامقرانن وإقميرا نهنين اتحفاظن فلاس خاطر اتحجبان لباس التقاليد أنس.
وإنشاللله أذعقب رمضان فلانغ فكل إمسلمن سالصحة اذلهنا.