لكتوب اكبار نوعزام نات اغرسان

اغلان يلا دس يغلب نتضليسين انغ المكتبات تحافظنت فللوف نالمخطوطات دلكتوب نبكري باش ادقم دقن الكنز دالشاهد فتغرم نغزر نلمزاب اغرس للوف نلان .
المكتبة نالمعصومة دقت سالمكتبات تزعلاك العهد نالدولة نالرستمين دس اجار 300 الف مخطوط اتوزلفان سوفوس نالفاطميين اخربان تيهرت دون ادس دالعلم دالمعرفة نلان نوجرو دوالف.
بعد اخراب نتيهرت رولان قاع انعزمان ددباب نالدين غال وارجلان سن غال اغزر نلمزاب اوين ادسان لكتوب دالتاولات نوعزام اسرولان ستيهرت.
سالمكتبات تزعلاك الانت اغلان انبدى سوغرم نات ازجن المكتبة نالحاج صالح بن عمر لعلى الان دقت سالمكتبات تزعلاك ، المكتبةا لشيخ محمد بن سليمان ابن ادريسو،المكتبة نتعشيرت نات يدّر ،المكتبة نتعشيرة نات فضلي ، المكتبة نالقطب الشيخ اطفيش.
اغرم نتجننت يلا دس المكتبة نالبكري دتدارت نيروان، المكتبة نالنهضة ،اغرم نتغردايت المكتبة نالشيخ عمّي سعيد الجربيّ ، نالشيخ حمو باباوموسى ، اغرم نات املشت المكتبة نالسلف ، اغرم نلقرارة المكتبة الشيخ بالحاج.
اماشي الانت دخ يغلب نالمكتبات تبازنين تزكروين انغ الحومات نغرمان ايالفائدة ننلمادن دسلمادن مع مناوت دخ اماس نتدارتوورثنتسالوالدين اولغسان اسيبانسنت.
اغلان يلا دس اجار200 نالمكتبات يد تنن نغربازن دتنن نمدان توزوننت جار اغرمان نغزر نلمزاب.
النسبة نالمخطوطات اغلان اوتلقضع 03 في المئة جار المخطوطات الانت تمورا تعربين. انلان دوحدي الان مناو لكتوب اغلان لاش المثالنسان انشان وضضن.
تدشلا نالتراث نوغرم نلقرارة تلفاد اسقس 1992 الان فتبجناس محمد صالح الناصر د محمد عيسى موسى ابدان افراز دوجرو انلان دكبور عاودن اسوفغنن سقت الطبعة تجددت اسونسان دين احفاظ نالكنز قبل ما ادقضع.
تدشلا نابي اسحاق نوجرو نالتراث تغردايت اتنجم دغنتها اجرو نقن ومضان ايزعلك نالمخطوطات اغلان دوزغار ندزيرسوفوس نالحاج سعيد لخبورات دمحمد اماناسن دمناو اضضنين الان تعافرن اوحافظ فالتراث نوغلان دون ادجين امزوار.