المكتبة نروان اغرم نتجننت

تضلست نروان دقن المكتبة ايتزعلك توسد اماس نوغرم نتجننت اقارنس تدارت نروان تدارت تجبى غفس تمجيدا نابي سالم دقن الحبوس نالشيخ عمر حموعلي
سوقس 1824 امضان نالمخطوطات ادس يقضع 130 نالمجلدات داجار 150 عنوان.
سالمخطوطات اكبار تدارت المخطوط مغني اللبيب عن كتب الاعاريب لابن هشام الانصاري اتونسخ اسقس 913 هجري
المخطوط الان لاش المثالس انشان وضضن دلوصية نالشيخ اسماعيل بن موسى
الجيطاني اسقس 750 هجري .
المكتبة ترزم تورس اقاع انلمادن دسلمادن دالباحثين اتاسان سايولو تمو
بالخصوص انلمادن نالجامعات اتافان فاع انغسان اماس نالمكتبة الان سالمكتبات
تكبار اغلان.
المكتبة نروان اتمعاون يد مناوت اتدشلوين دالمؤسسات انتدشلا نالثرات نالقرارة
دالمؤسسة نعمي سعيد تغردايت مان نجمان ادران للوف نالمخطوطات حافظان
غفسان بعد اتوصوران سالمكروفيلم دالتاولات نالتكنولوحيا الان ددسيل نوحافظ
فالمخطوط الان يدجور امضى اقضع فنجال نيغلب العوامل.
تم نوغلان يلا دس اجار 100 نتخزانين دالمكتبات اماس نتدار دتدار نتعشرين
جرونت اجار ن30الف عنوان دقاع العلوم نالدين دالدنت ادجين امزوار دوض
يتوغ انده احرش نوعزام دولماد انا الشيخ اطفيش دالشيخ حكو باباوموسى دالشيخ القاريدي دمناو اضضنين اغرمان نلمزاب دوزغار انوارجلان دمناوت تنو تضضنتين.