اغرم اكبور نوغرم نالمنيعة

اديوس اقت 270 كلم غال وداي نالمقر نالولاية نتغردايت غرس اقن امزروي دكبور اتوبنى القرن فيد مراو ميلادي سوفس نقت تعشرت نمازغان اوسيند ستم نتميمون اتوبنى اجانا نقت توريرت ايدر نغزر نمقدان اضل فقاع تجموين دتمو نالمنيعة يولي اقت 75 متر فتمورت.
مدان نغرمان نتنري اتناف دم بنان دنج اورران دموشان اولين فنجال باش ادفان لهناء دلمان ارين الصدمات نالعدو حافظان دخ فتمورا نتكرزت ايدران نغزران .
اغرم توغ تحكم دس اقت تمطوت تجليت مناو اسقسن اقارنس امباركة بنت الخس توني توغ غرس اقن الذكاء نوسجوري دوتحكم لمور نالعامة . اقارن بل اقن اوسقس اتوحاصراغرم سقن اوجليد يغس احبو فلقصر مان يقم ديارن اسودجومان العسكرس باش مدان ادسلمان اماننسان امبصح الذكاء نتموطوت يج العسكر نوجليد ادجبذن اماننسان بعد اوفين بل غرسان الخير دلمعاش اقضغ اول ايالغنيمنسان .المعنى بل مدنو يلا غرسان المؤونة نيارن اضضنين. .
اغرم عمرنت دس يغلب نتعشرين سمازغان غال اعربان غال اشمجان يتوغ دنشان نوملاقة نترجفوين انغ القافلات اتوطانت غال تنري غال تميمون دادرارانغ تنن اتوغانت تالنت غال تمو نالتل تمبدلان سلع اسقارن المقايضة حد اتاويد الضوفت حد تيسنت حد الهوش حد دمندي دالتاولات انلمعاش دون اسحقان مدان تمدورتنسان.
اغرم دس مناوت تورى اسوفوغنت غال وزغار مع مناوت تمضمار اوسكرم نالمؤونة دالغلة اتجرس ادوسان اوعران انغ امار نقن الحصار سالعدو نجمان ادحفران اقت تيرست اجانا نوغرم مان مدان اولسحقين امان دوط غال وداي نوغرم اوشاري نومان سوماس نتجموين امار اتوغ تدرن اقن امار يوعر.
دفر اتاف نتومان انغ الاستعمارغال المنيعة افغان مدان سوماس نوغرم ايقم دسقسن بلا وعمار مان مدان قضعان غال ازوغار اوعماراماس نتجموين بلا اقت تقدي . القصر يقم دالخرق دسقس اتورمم مناوت تتشال باش اديلي دقن ونشان نوفورهت نالسياح دالباحثين دوس انده احرش نالبنيان بالخصوص اغرم اتوبنى دنج اقن وورير اتيش اقن المنظر ايبهى بالخصوص امار نتفسوت.
ادموان نوحرش نوفورهت نالولاية نتغردايت اغسان ارى نوشان دقن ونشان اوزوري دوخوس دوفورهت اتاسند سايولو سدزير ادوزغار مع اسحرش نوحرش نوفورهت اغرم نالمنيعة بالخصوص اماشي نسان بل اغرم اتوصنف اسقس 1995 التراث اغناو ندزير.