إفلاحن أقارن بلي السومت ثحلا والمواطنين أسغلاينت قلي

بذونت لعوايل انلوراس امقران أتاقنت غن لسواق نالمال بشام اذسغنت غخفوان نالعيذ امقران، أقلا هدياس أسقاس ولعوايل ألحيزانسنت أسعقبنت ثوليث انرقراي ماني هديساس الحال يغلاي قلي فلاسنت امين إغننا الحاج احمد أقلا انلقاث ذي السوق نالمال ذي باثنت.
أتشورن لسواق انباثنت سالمال يحلا لباس ويغلاي أقلي والشياي إبد فلاس الجرنال نالشعب ماني إقا الدورث غنقلي انلسواق والسومت نخفاون ثتيلي س3 نملاين بغير 6.5 نملايان وكل العايلت ثساغ الشي إتساعذن، المواكنين اوسناسد السماثاي إغلانينت والفلاحين اقارننانغ بلي أقنهنين تعب لباس بشام أذربان المال سيرتو ذالوقث نميرا ماني إوليش انوامان والماكلت وحتى السرقاث عرمنت ونهنين اتحمالن لباس نالدونجي بشام أدخلض العيذ واذزنزن الشياي إربان.
وثغاوس ثيشت اننانغت الفلاحين بلي نهنين أستشاين الخرفان ثمزين والخير نتمورث أسنتقنش لافنسيو أمين إتقن إموالن أيط أقلا لخذمت انسن أساغند المال وتعواذناس البيع، ذلسواق.
وعلى العموم طلبن الخير اذلهنا إلبلاد وأدولا العيذ سالصحة أذلهنا والسومت هترخس انشاءالله خاطر لباس نالخرفان أقلان وسيرتو ماني إثوثا لمطر يعني الخير هذيلي ولازم أذزنزن بشام أذربان الخير نالمال ذاجديذ.