لعوايل انلوراس امقران توجاذنت إلعيذ أمقران

ثنا ، أسناط، الوزارث نالشؤون الدينية نالدزاير بلي العيذ أمقران، ما يكثب ربي هدياضوا أسواس نالسبث إديقورن، وفالجال نالشياي، بذونت لعوايل انلوراس امقران اتوجاذنت إلعيذ امقران امين إتقنت كل أسقاس، خاطر لباس أقبذونت اتزومن 10 انذو الحجة، واذسغنت إيخف نالعيذ وأذقنت القاطواث، ذشخشوخ.
إخفاون نالعيذ أسقاس أقارن أيقلا روحن لسواق نخفاون ذي باثنت أقارن بلي يغلاي لباس ، خاطر يعقب غيخف ذامزيان 4 نمليان، ولعوايل لباس أشتكانت سي لغلياي، سيرتو ماني إقعقب رمضان العظيم، الصيف، والدخول المدرسي، ماني إصرفنت لعوايل نالدزاير كامل لباس نالصوارد، ولعوايل بغير اذخلذ أس نالعيذ اتقنت الحن إقيخف وأسوشنت أذيسو أمان وأمبعد أسغرسنت ن وأثسيرذنتن وألانت سير إقميرا أقورنت ذي لوراس أمقران، اميخف نالعيذ أتقنت أس أمزواروا واذلقفنتالجزرة بغير أذتشاذين ماني هتبظان واذفرق قلي نتقديد فالفاميلت ذالكادواث، وأثغلعنت قلي بشام اذتشن ذي المشتا اتقنت ذي العيش ذابربوش، وغرس الطعم يخلا لباس.
ذغاوس ثاني لازم اتق لعوايل انلوراس أمقران نتاث هتزوم أس انعرفة، وأتمنع لخياط ذي لعواشيراي خاطر السيراي رفذنهنت فالجدود إمزورا، والدريث اخسن أدياس العيذ ذقاس يحلا بشام أذرقن اذرارن إيذ نعشيرن أنس، خاطر العيذ بلى إيرار نالدريث أذلعياظ أنس يتاسد إخوس.