لعوايل انلوراس توجاذنت إرمضان العظيم سوسغاي نخفاون نالمال

بذونت لعوايل انلوراس امقران، اتوجاذنت أقيور أنرمضان العظيم أمين إتقن كل أسقاس سيرتو ذي ثغاوسوين أقلا لزمنت ثاسيلت انرمضان أمفثال نالمسفوق، وثموسغيث نتغراست، سيرتو لعوايل أقلا غرسنت ثمورا ذي الدوار.
يعقب السوق نالمال سمانتاي إقعبقن ذي باثنت، سلباس نالهرج ماني أقوان لباس نلعباذ أذسغن إخف أنرمضان خاطر بغير ادعدا رمضان يتغلاي كلشيء سيرتو الجيهاث نالرقابث ذي باثنت تقريب أثقاويش اتراقب السلع كامل إقلا ذي لسواق.
والفنت لعوايل انروراس أساغنت اخف إرمضان وثاوين الدوار اذكملنت أثزقرذنت مليح وأذقومنت ايس بشام أسغرسنت أس أمزوارو انرمضان وأثبظانت ذي ثسوشاي وأذقنت ي لفريجدار وكل أس اتقسنت ثساشيث واذطبخنت إيس خاطر أكسوم ذي رمضان يتغلاي لباس وكيعاد لعوايل انلوراس والفنت بلي ثاسيلت انرمضان لازم اتيلي ثتواطبخ ستقديت، زربنت إميرا اساغنت إخفاون نالمال بشام أذقاونت أذواجهنت قلي السوماث نالمال إقغلاين لباس طول.
ولانت لعوايل أقلا تمجمالنت جار بعضاسنت وساغنت إيخف يصت ومنبعد بطانت ذي رمضان خاطر كل شيء يغلاي سيرتو ذي السمانت ثمزواروث ماني المواطنين تمقران فكلشيء ذي السوق وشيياي يتعاون التجار بشام أذسغلاين ذي السلعث كامل.
وعلى العموم كيعاد لمكر ثوثا السمانت إقعقبن أولين لسعار نالمال لباس، عمس السمناث أقفاثن ماني أدوظون قلي إخفاون، خاطر لماليث أنس أوقذن فسقاس ما تههنستش، بصح اميرا ماني أثوثا لمطر ازنززان سسومت إخسن خاطر الخير هذيلي ما يكثب ربي.
والعادثاي نوجذ ارمضان ذي لوراس تاقذيمت لباس، خاطر لعوايل تقداسنت وتحبانت يور انرمضان العظيم وتوجذناتس سكل الخير بشام أذقابلنت ربي سبحانو.