إفلاحن أنباثنت بذون اجزي نلغنم

بذون إفلاحن انباثنت توجاذن إلشهار نالصيف أقلا يتيلي ذيس الحمان ذامقران، سيرتو ذاي ذي الولاياث انلوراس امقران، سيتو يا أقلا غرسن الشيه والمال، يقار عمي محمد ذأفلاح ذي باثنت بلي أسناط الجمعة غروح غنورلي أنس بشام اهتزج وأسنتكس الدوفث أقلا ثلا ذيسنت بشام أقنهنتين أذسعقبنت الصيف مليح، خاطر يتيلي الحمان ذأمقران، والمال أعقون أذتقواش اذلاو مليح ذي السخانت والصوف يقوى زنق انس، ونتا ذي الطبيعث نلغنم يقار الصوف وحذس وحذس بغير اذقرب الصيف ادعدان ونتشنين يقار عمي محمد نسبقيت نتكساسنت نتشنين بشام أنسفايد سيس واتنسهنا سي الصوف أقلا يتولا أغلى نالمشتا ذانزقوم اثتقواش حتى اترفذ واتوقير أيس ذي السخانت.
وإفلاحن أنباثنت اميا نالجزاير كامل، زنوزان الصوف ذينولان ايا أقلا تقن أيس لمطارح وتسومتاثين تعاشن ذيسنت ذي المشتا، وثغاوس ثاني يتميس فالجال انس الصوف أشياه نتا بشام لمراض اذتيلينش ذيسنت أم لمرض نلجرب أقلا يتيلي مليح ذي الصيف.
واجزي نلغنم يتقيذ أفلاح أقلا يسن بشام أذجرحش ذيخس، ويجزانت سلمقص أقلا يتوخذام سي سنت نتحديدين تمقرانسن وتملساقنت ذس بعضاسنت مليح ويبتو باب نالمال أنيغ وقلا يسن أجزي ذقمكان يصفا وأغلا نتطاوين نولي يين بشام أذتخلعنتش بغير اذهنانت ثخسي ثتوجزا.
وأجزي نالمال يتموقا لخطر ذأقسقاس أغلى نيور نالربيع وقبل مهدعاد الصيف، بشام أقللمال أذسعقب الصيف يحلا أذتمريظش.