ادباب نالعاهات اغلان

اغلان الان تدرن دس يغلب انمدان غرسان اقت الاعاقة الصحتنسن يلا وس اولدجور يلا وس اولتسلي اولرقب اش حد الاعاقتس اماشي يلا الحال اموشان اضضنين ادزير ادوزغار،مدنو اش اسن شارد نيور نديسمبر اسونجمان اسنسان توسونجمان انغ توفكران اموني سوسدج نجروان ددملاقة دوسول فالحالتنسان اتوصوداف غفسان مناوت تفيرى انغ التاولات نوسوض اوس اولدجور ادناو ابسون اضضنين.
الانت يغلب نتدتشلوين ندهنت احرشو اموني سوقابل انمدنو سوبدي ادسان انوسعزمنسان دوسخدامنسان ارزمنسان تدار دالمراكز دكل انشان.
تدتشلوينو غرسنت اقن وهيل ايزعم ازلنت قاع التاولات نوستقبل ندباب نالعاهات باش ادعزمان لمدان اقت الحرفة اماشي اناف دخ المراكزو مناوت تبورخساتين اولماد نمناوت الحرفات نوفوس الان يجبى غفسنت مناوت تسلمادين باش تنن ادفغنت سقت الحرفة فوسنسنت.
ادقم تمشراس الان تدرن دس مدنو اناف المنحة اسنتزلان دروس امش يلا وس ستروى يلا وس بلا اخدام. ستمشراس دخ س الان تدرن دس مدنو تدرورسي نالتاولات نوسوض اوقضاع ادوس ستدارت غال وخدام دالحقرة ارقبان تمدورتنسان اولجي انحد وضضن الان اصح.
اغلان الان اتورزمان دي اسقسن امدجورا يغلب نتدار دالمراكز ايالفايدة انمدنو اوقابلنسان بدان ادسان باش اديلي غرسن اقن ونشان ايزعم جار مدان.