ألي ما يعرفش يذبح ويسلخ غير يبعد

استر ما استر الله

يظهر في هاته الصورة محمد واعد أو عواد، وهو اسم الشهرة لمدير مؤسسة وهران نظافة، وعضو اللجنة المركزية لحزب جبهة التحرير، ومهندس عملية سحب الثقة من مير وهران الصادق بن قادة... وحسب القراءة السميائية والتحليل السيبرنطيقي الذي أسقطه زيط بيط على الصورة بعدما تتبع حركة شفاه كبير الخلاطين والروانين بولاية وهران المنتخب عواد محمد، فانه استطاع أن يعرف ماذا قال مدير مؤسسة وهران نظافة لزملائه المنتخبين ليلية نحر المير بن قادة... يا جماعة سمعوني مليح، وما تسبقوش الريح ألي ما يعرفش يذبح ويسلخ ويملح الهيدورة مليح كما جداتي ويحكم الخدمي نيشان غير ما يدخلش روحه، ومادابيه يرجع للوراء ويريح حدا المنتحب سرحان نتاع حماس ألي يخاف من الدم، على خاطرش الوكريف ألي غادي ندبحوه اليوم ماشي نعجة صغيرة ولا خروف، يا الخاوة الوكريف نتاع اليوم يزعبط بزاف و شاهدتم بعينيكم كي كان يزعبط، ويردح من شافنا عند الباب نتاع البلدية، والذبيحة يا جماعة الخير سياسة ماشي خشونية، وزيد غادي نذبحوه ونسلخوه ونشوه ملفوفة، ملفوفة وهو يضحك على خاطرش هادي عامين وأنا نعلم فيكم كيفاه تعلقوه من رجليه فهمتوا يا الخاوة ولا نعيط للوالي يفهمكم.