نموت عليك وتعجبني خدمتك

يظهر في هاته الصورة كل من رئيس بلدية وهران زينو ووالوالي بوضياف ويظهر أيضا رئيس المجلس الشعبي الولائي عبد القادر حجوج وحسب الإسقاط السيميائي الذي قام به زيط بيط على الصورة فان كلام جميل ومعسول جرى بين المير الزينو والوالي ... إليكم ما جرى بينهما.
المير زينو: السي الوالي غادي نقولك حاجة تامني ولا ما تامنيش
الوالي بوضياف: آه زينو خويا راك باغي تشيطني ها هدر لعب خفيف، نامنك أهدر
المير زينو: والله لا نموت عليك
الوالي بوضياف: آيا ربحت ضروك... كنت نقارع تقولي على خبر مليح في خدمة وقاعد تهبلي فيا في شعال، حتى حجوج بعد علينا باش يخليك تهدر في خاطرك وأنت تقولي ضروك نبغيك.
المير زينو: السي الوالي ما تفهمنيش خطأ أن نبغي هدرتك ونبغي الطريقة إلي تعالج بها الملفات.
الوالي بوضياف: ها قول هاك من الأول بلي خدمتي تعجبك.
الوالي بوضياف: يادر شا درت في لافار نتاع ميباركي
المير زينو: طبقت التعليمات نتاوعك ورنا نحوسوا على واحد.
الوالي بوضياف: راكم تحوسوا على واحد ماشي قالوا بلي بريزيني ولد فامليا الشير خدام.
المير زينو: برزيني ولد فاميليا وخدام بصح هاذيك المصلحة ماشي مليحتله راه مهني في ابن سينا.