عزيزو يلعب الشطرنج...

عزيزو والله نستعرف بيك مازلت قادر تلعب الشطرنج؟
قال مستغربا.. ما لعبت والو يالكحلوشة.
قلت ضاحكة.. يعني تنحي والي غرداية واجيب والي آخر ماشي لعب هذا؟
قال ... أنت حشرية وهذا ماشي مليح لماذا تتدخلين في قرارات مصيرية بهذا الشكل؟
قلت.. إذا كانت هذه الإجراءات تحل أزمة غرداية فيمكن أن نعتبرها قرارات مصيرية وهامة ووو ولكن إذا كانت مجرد استعراض عضلات فلا.
قال.. اخزي الشيطان يالكحلوشة ماذا تقصدين باستعراض العضلات هذا؟
قلت.. ماتتقلقش عزيزو أعني أنك تريد أن تقول راني هنا وأخلاص.
قال ساخرا.. اعلاش مارانيش هنا؟
قلت.. والله ما علابالي وكل من نسأل عنك يقول ما شفتوش.
قال.. راني في نقاهة ماحبيتش نشوف وجوه البق.
قلت.. بالصح تاع الخارج تشوفهم.
قال.. هذوك مسؤولين حقيقيين ماشي كيما تاوعي كلهم كرطون وبلوط وهف.
قلت... والله نستعرف بك راك فايق الهم عزيزو؟
قال.. اعلاش عمبالك مارانيش فايق راني عارف كلشي وصابر.
قلت بدلهم وجيب واحد اخرين؟
قال مقهقها.. منين؟
قلت.. الدزاير ولادة يا خويا.
قال... لكن ماكاش فيهم المواصفات لي نحبها.
قلت... تقصد الانبطاح؟
قال.. الوفاء... الوفاء يا كحلوشتي ملي غدرني بن فليس وليت نخاف من الحبل...
قلت...لكنه حبل طويل طويل طويل راني خايفة عليك عزيزو.