تدار نتعشرين اغزر نلمزاب

النظام نتعشرت دقن النظام يلا يدجور اغلان سبكري ايويد تضفوين توحديين مان اناف اش اغرم دس مناو تعشرين جرونت مناو تواشولين . اش تعشرت غرس الضامنس وني انت اتقابل تواشولين نتعشرت سقللان غال لعراس اجروان دتمشراش اضرانت جار مدان دومصالح جارسنت تعاوانن اموضان تبدان ادسان امار نالشدة.
دقن مدان الان اتشلان فماننسان اسجوري نلمورتنسان بلا ما ادسوتران انغ اتشلي فحد وضضن اوفرى نتمشراسنسان. اقارن وس يغس تنمرت امانس ادخدم سوفوسس .سومن امزوار رب اتنرحم مان الان اجند اقن النظام لاش المثالس انشان وضضن.
اش تعشرت غرس اقن الممثل تمجيدا اسقم نعزبان الان دسر نتعشرت دقت الواسطة جار تمجيدا الان تسجورى لمور نوغرم دمدان باش ادسنان انلان جديد تمدينت اجورن فووال اقن امغر الاختلاف الراي دالكثرة نالمدبرين اتزون جار مدان دجار تواشولين اماشي يلا الحال اماروا اغلان اش حد اتبع الجهة ايغس دالجهة الان اتاس فلهواس تضف انغ النتيجة لكنغ انرقبت .
اش تعشرت غرس اقت تدارت توبنى سويتلي نتروس تملاقان دس المناسبات نلعراس جرون دس اش تتشلت تروى نتعشرت اتسدجان دس دخ اجروان ايمكراس دالوشول اوعزام دولماد دقاع ابسون اتهمان تمدورتنسان.
التسامح دوقبال الان توات سبكري لاشغرسان اقت العنصرية فحد وضضن الدليل ات اغرسان رزمن تورى ابرنيان باش اديلس غرسان انشان تعشرين المذابيح دبني مرزوق اهاجرن غال وغلان دولند غرسان انشان ان ات اغرسان دمناوت تعشرين .
ادموان نالدولة سبكري قران الهيئات دالنظام الان اسمنكزن غفسان يغلب نتمشراس يج ات اغرسان ادسجورن لموتنسان وحدنسان دقن مدان توسنان بل مسالمين اولجي نتمشراس انغ نالفوضى دجورن فلحساب نالدين تقدي نربي يلزم ارني دوطوف دتصرتو بالخصوص اماروا.