لمحجوبة نتاث لمالكلت أقلا ثتموقا ذي لوراس امقران ذي المشتا

يسمط أسناي الحال لباس ذي الولاياث انلوراس أمقران، ماني إولانت لعوايل رقلت غنلوماكل إقزورن وأقلا تعاوننت لعباذ ذي المشتاياي بشام أذسمطنش، وسي لوماكلاي المحجوبة أقلا اتحبانت إجزايرين كامل وثتموقا سالطماطم اذلبصل واركثي نشخشوخ.
نوفا الحاج اليامين إتسواق أسيط ذي السوق نالخضوضر نكشيدة ويتحواس فالفلفل إقحرن والمطاطم إجديذن، وماني إنسقسو عمي اليامين ماغف إقتحواس مليح مليح فتغوسوناي يننانغ بلي يسخف غنالمحجوبة ذي المشتيتي وينا إلعايلت أنس بام أستقن، خاطر نتاث أقلا ثتعاونيث ذي لخذمت انس خاطر نتا غخدم أذماصو ولازميث لباس نالطاقث بشام اذكمل أس انس خاطر لخذمت انس ثوعر مليح ولازماس باب انس أذيلي يقدر وإصح.
وماني إنسقسو فالمحجوبة ما مك إثتموقا أننتانغ الخلاث أقلا نلاقهنت ذي السوق بلي أدريث أنسنت وإرقازن انست تسخيفن غنالمحجوبة ذي المشتا وتكارنت زيك ناتصبحيث واذقنت لعجين أمشخشوخ وأثدجنت اذيرس مليح أو مبعد تقنت سيس قيتش انتعنونين تمزيانين وأثسرسنت.
وسالخصوص أنلاصوص نالمحجوبة يتموقا سقسي نالطماطم أذلبصل وقيتش نالفلفل وأتقذ أذيوم مليح واسرنيذ قلي نالزيث انيغ الشحمة أمين أتتحبان يا هتيتش، ومنبعد اترفذذ القرصة اللولى وأتسرس مليح زنق المايدة وأتتشارث سلاصوص واتقلذ بشام أذتوزاعش وأتسرسذ ذي الطاوة بشام أتوم.
ونخس انيني بلي المحجوبة يتموقا الشكل انس أمين يخس وتخدم ايط أتقنت تامزيانت وأيط اتقنت تامقرانت، والمهيم ثغاوسا المهمة نتاث لازم اتتواتش ثحمة.