لعوايل انلوراس تقنت لوماكل اقدرن ذي لمشتا

والفنت لعوايل انلوراس امقران اماباثنت ذخنشلة اموقي نلوماكل اقدرن وازاقنت ذي لمشتا خاطر اسميط اتحتام فلاسنت الشياي سيرتو ذي اقيط انيغ ذقاس اقخدامن وايا اقلا تعاشن ذي الدواور وغرسن لفلاحث انس تبدان فلاس، وتاسنتيد لوماكل انزيك امبربوش انيغ العيش وحتى لمحاجب واربوز فخفاو نلوماكل اقعزن غنشاوين وتولان غرسنت كل اسقاس سيرتو ذي لمشتا واسانا قلا سمط وثتشاث ذيسن لمطر خاطر لوماكلاي ذيسنت لباس نالحريراث وتوتشنت اباب انسنت الطاقث تامقرانت مليح مليح بشام اذكمل اس انس ميلا يتشيهنت ذقاس وتوتشنتاس الحمان ذي اقيط سيرتو يا اقلا تعاش ذي لزنفروا انباثنت ماني اقسمط الحال لباس لباس ام أريس، إشمول، ثمروانت، ماني اتقنت لعوايل حتى ثقارين نميرا لوماكلاي واقلا توتشانت سالزيث نالزيتون بشام ايا اقلا غرسن قلي نلمراض اممضران اذراحن.
و يتموقا اربوز سغروم وتورحا قلي قلي ون بعد يتموقاس المرق سالخوضرث ومن بعد اذتوسقا مليح سالمرق والفلفل طرشي وتموقنتاس ثملالين.
والعيش يتواسن غنيوذان كامل ولمحاجب كيف كيف و ماني انسقسو لخلاث انزيك اننتانغ بلي زيك ذي الوقث نالثورث والانت لعوايل تقنت المجاهدين لومكلاي وسرفنهنت اذورار بشام اذتشن واتلازانش طول.