لعوايل انلوراس امقران تزومنت يومين نعاشورا

والفت لعوايل انلوراس امقران ام لعوايل نالجزاير كمل ازمي نسن وسان نعاشورا أمين اقلان تقن الصحابة نالنبي الكريم محمد صلى الله عليه وسلم وفالجال نالشياي بذون اسناي توجاذنت مامك اذعيذنت العيذاي اقلا تفرنت فالجال انس قلي نتقديت نالعيذ امقران وتخلاعنت مليح بشام ادجبذنتيد اقساي واذعيذنت ولانت لعوايل يط نفقت بصح ثغاوس اقلا ثلازم العيذ نعشوارر نتاث ازومي نواس التاسع ذالعاشر انيغ العاشر ذحداعش.
العيذ نعشوار نتحتفال ايس بشام انيني اربي سبحان كثر خيرك ماني اقفوك النبي موسى عليه السلام سقفاسن نفرعون ماني اثلحق لبحر نتا ذسعفن انس ويخس اهنينغ وربي سبحانو افوكهن خاطر ذالمومنين ايلان وماني اديوسا النبي محمد ص يوفا لهود تحتفال ايس وينا المسلمين نتشي ناقلا غرنغ الحق انحمذ ربي واثنشكر ففوكي انس اموسى.
واس نالعيذ نعشورا تموقانت ذي ثمورث نلوراس امقران لباس نلعوايد ذالتقاليد امموقي نالحني اقفاسن وثاني اقصي نزاو ايخف بشام ادقعمر ليه ليه واذنينت ثهيويين عشورا عشورتي كبرلي قطوشتي والخلاث كامل اتقومانت اذخيطنت ذي لعواشراي نعشورا خاطر قارنت اذيحلي.
وسلخصوص نمنسي نعشورا والفنت الخلاث اتقنت ابربوش سكسوم سيرتو ما يلا ذاقذيم وغرس البنث ثحلا لباس لباس اتتعواض طول اكسوم اجديذ ولانت لعوايل اقلا تفانت ذقاس الفرصة بشام اظداهرنت ادريث انسنت انيغ اذقنت اغلا نس العرس المهيم لازم اذيلي العيذ نعشوار ذالمناسبث الفرح واتفطر زواولى ذي مغبان اقلا اغرسنش مات هذتش .
وحتى ذي لجوامع اتموقان الدروس اقلا تشاخن فربي ذالنبي ومامك انكان قلي غنتغوسوين اقلا يتحباهنت ربي امصيام تزاليت واصدق.