ثقشابيث نتاث ذروض يحلان ذي لمشتا ذي نسقاس يقوان لوراس أمقران

ثولاد أسقاس ذي الولاياث انلوراس امقران سيرتو ذي باثنت، اذخنشلة وحت قالمة لخذمن نتقشابيين ذي برناس يحلا وأيا أقلا غرسن التاريخ ذأمقران ذي ثمورث نالجزاير وحت ماني اثا فرنسا ثلا ثقشابيث أم سلاح تقوامن ايس المجاهدين لفرنسيس وثفةكهن ذي لباس نتموسال، والحرفثاي نتقشابين غرس امكان ذمقران ذي العاداث نالاوراسيين خاطر غرس لمعاني نالرجولة ذالكرم ذالفحوليةأمين اغننا الحاج العايش.
وستعدا المشتا نسقاس اقلا ثسمط مليح ويرني يوثا الخير ذامقران انلمطر ذأذفل وأقلا يطف مليح وورعان هذيرن أذيويث امين اقارن اخدامن الأحوال الجوية، بذونت ثقايرين انلوراس اتقنت ثقشابيين، إلغروز انسنت يخس ذأرقازن انسنت انيغ ذالدريث أقلا ولان نهنين لتان سعوايد انغ ، وشياي اتبيان بلي حتى الجيل نميرا اكنتا يتحبا اذيرط ثقشابيث خاطر اغرس لباس نالفوايد وثتسر مليح سقسميط.
ارقازن أمقران سي زيك اتحبان اذرطن ثقشابين خاطر أروظاي ألان أتاضنت زيك لجداد انغ ويتسريهن سي أسميط، وماني إيبذو الجو يتبدال وإعداد البرد أذلمطر وأمين إغننا الحاج دراجي أقلا نوفيث ذي ازلق ذي لبلاد ماني اقنا بلي نتا ذادريث أنس كامل غرسن ثقشابين خاطر ثمغارث أنس أثقاس كامل بشام أذحافظن فأروضاي وأذسرن إماننسن ذي المشتا.
وصح أرقينتيد ثقشابيين نالبيع اتنوزانت وألان لباس أقلا أساغنهنت سسومت 3000دج، بصح ألانت لعوايل ذي لوراس أمقران ذي باثنت أذخنشلة أذ أم البواقي أذ قالمة إقمرا لخلاث أنست زطنت ثقشابين ذي ثدار أنسنت، وساغنتيد القطن يحلا وأتقنت ذي سدايين واتمعاننت اوبعد زطنت سنت نالخلاث لخذمتاي كامل ثتموقا ذي الصيف خاطر ذي المشتا يصمت الحال ولازم ثقشابين أتي ثوجذ أمين إغنتقار الحاجة عقيلة، أقلا أثقا لباس نتقشابين زيك أثروانس وثتحواج لمعونت وثبتو سخذام نالصوف واذيريث ومن بعد اثسعذلنت مليح .
وثطوال أقلي لخذمت نتقشابيث ماني إثتطف حتى 3 ألشهار سيرتو ما ني أثتيليش لمعونت، وإخدم ذقزتا يشت نفوس، بصح لوراس أمقران سقلا وسنت انيغ تلاثة نلخلاث أقخدمن ذأقزطا بشام أذكملنت له ليه، خاطر لخذمت أنس ثسغلاب وثسكراه، وثغاوس ثيش نتاث ثأقلا اتزط أثخدمش لخدمت انداه، بشا اتكمل زيك أثطوالش ذيس.
ثقشابيث أنلوراس ذلمفخرث تامقرانت، وتحفاظنت فلاس لعوايل كامل، ولوكان اتحوس مليح أثتافذش أخام بلا ثقشابيث وشي أقلا نهناث اسقاس نت احبي نالجيل نميرا اروظ نتقابيث خاطر يزرا بلي نت ذتاريخ انس ولازم اذحفظن فلاس.