لعوايل أنلوراس أمقران أطهارنت إدريث أنسنت ذي العيذ نعشورا

هتحتافل أس الولاياث أنباثنت أم الولاياث نالدزاير كامل سالعيذ نعشورا أقلا هدعدا اسا السبث، ماني إبذونت قبل أسمانت لعوزايل ألوراس أمقران سيرتو ثيا أقلى وعان اتعاشنت ذي الدواور أوجذ أقساي أمقران لباس أقلى أتقينت ذيس لوفار معناها أتقنت امنسي أنيغ لمعشاي ثحلى لباس ماسي أموسانين إقعقبن، خاطر لعوايل أتفرنت سثقديت نالعيذ أمقران بشام أذنصبنت إيش أقمنسي نالعيذ أنمحرم ذالعيذ نعشورا.
ماني إثتق العايلاث أنلوراس لباس نتغاوسوين تعدانت ذالتقاليد انغ ذي عشوراء كل أسقاس، وبتونت العوايل اتوجاذنت إلعذاي سي العيذ امزيان ماني إتفرنت ثقديت س إقخف نالعيذ إعشورا سي الجيهث نالطوابق واثخلعنت سالملح أذالدوواث انتاسيلت، وأثفرنت ، وبغير أدخلذ العيذ عشريام انوسان الخلاث اتخيطنتش لعبوب طول خاطر أقارنت بلي هذترججين إفاسن نسن، ثغاوس ثيضت ثاني أس نالعيذ انعاشوراء ثهيويين تقساسنت قيتس سقزاون نشعبوب انسنت وأسنينت “عشورا عشورتي كبرلي قطوشتي”.
وثاني أتافنت ذالمناسبة بشام أذسظاهرنت إدريث أنسنت ذي العيذاي أستبشارنت إيس لباس وأقارنت بلي أي أقتظهاري ذأقساي أتراحن ليه ليه خاطر ربي يسروس الباركث أنس ذأقساي لباس، وزهانت إيس لعوايل أنلوراس لباس سمحرم ، واذسريطنت إقمطاهرن ثكبرين ونهنتين تاجبيبث تامزيانت إيذ نوركاس أنس اتمحرمحت تازيزاوث أسقنت ألحني ذي إقيط واستوش الفاميلت أنس الصوراد ذالكادو نتهطر خاطر يماس نمطاهر ثتق الفال ذأمقران واتعرض الاهل أنس كامل بشام أذزهان أسمميس وأسطلب الشفا، وبغير أدروح سغنوطبيب رفذنت قيش سثعرجونت أنس وأذقنت المحفل ذأمقران واتقنت ذي ثاربوث وأتاوينت أتغطانت سوشال ذأقمكان يحلا بشام أديرق ذي المستقبل أنس يحلا أكنتا ثغوسواناي إقميرا ألانت ذي الدواور أنباثنت بصح ذي المدينة روحنت أخلاص أمين إغنتقار الحاجة منوبة أقلا أذداهر إثروانس كامل ذي العيذ أنمحرم فطارقثاي.
لعوايل انلوراس تقريب كامل أتقن أشخشوخ نالنعمث إلمعشاث وأذعرضن بعضاسن وأذزهان كامل سوساي أقلا أفوك ذيس ربي صبحانو النبي الكريم موسي فلاس السلام ذالصلاة، ونتزوم أمين إغنتنا الحاجة”منوبة” التاسع ذ العاشر انيغ العاشر ذ الحداعش سعشورا ، المهيم انخالف لهود وانتزوماش أس نعشورا وحذس.
إرقازن برا اتروحان لباس لجوامع بشام أذزالن واذسلن إدروس أقلا اتقنهن الأئمة فالجال نالمناسبياي ماني إقارن إلمصلين بلي ربي سبحانو ديما ذا أحنين ذا أكريم فالعباذ انس وإفوك موسى ساليهود بشام اذكمل الرسالة أنسإقداشن اتافن الرثياي بشام أذرقن ازقاق وأذرارن إيذ نسعيفن خاطر أس نالعشورا ديما ذالعطلة أذقرانش ذيس إقداشن.