أنا خاطني هدروا مع شريف

صرح مؤخرا رئيس مولودية وهران السيناتور الطيب محياوي لجريدة رياضية وطنية، انه ليس مسؤولا عن الاستقدمات الأخيرة، ولا هو راض أيضا على مستوى اللاعبين الجدد، وقد جاء تصريح رئيس الحمرواة أياما قليلة بعد انتهاء التربص التحضري الذي أجراه الفريق بالدار البيضاء المغربية، وأياما قليلة أيضا قبل بداية الشومبيونة، هذا التربص تقول مصادرنا انه كشف وعرّى السياسة التي انتهجتها الإدارة فيما يخص قضية الاستقدامات. محياوي بهذا التصريح الذي خص به الجريدة المذكورة، يمهد من الآن الطريق لتبرئة نفسه في حال التعثر في البطولة الوطنية . راه يقول في الصورة التي هي أمامنا، أنا خاطيني، تكلموا مع شريف الوزاني، هو المسؤول على لكيب هو الشاف، راني من الأول مطلع يدي، حرزوا ديرولي كما درتو لجباري وتردخوه، أنا لحمي مرّ، وبالزيادة أنا ما تفاهمت مع تاوحد من اللاعبين، أنا مانعرفش للبالون، أنا غير نتاع لواطة ونتاع بوليتيك، وانتاع الافلان، اهدرولي على الخلاط لي راه صاري في الحزب نفرحكم، بصح البالون والحمري ووو خاطيني، انا قلت انجي الحمري باش ندعمها بالدراهم برك، كل شيء داره شريف الوزاني، هو لي يتحاسب على النتائج، أنا عليا الدراهم وهو عليه اللاعبة ... يا خويا علاه تقطع رحمت ربي، واك الشومبيونة مازلت ما بدأت، بديت تكحلها في وجهنا، خلينا نوصلو للنصها تم الدعوة تبان تما تكون مخير ومقين شكون تحصل فيه، يصح ماشي الطاهر، لأنه ولد الحمري ويخاف عليها ياسي لخضر...