"شعبولا" يغني لضحايا مجزرة بور سعيد

سجل المغني الشعبي المصري شعبان عبد الرحيم، المعروف باسم (شعبولا)، بصوته أول أغنية لشهداء أحداث مباراة النادي (المصري البورسعيدي) والنادي (الأهلي) في الدوري المصري، التي راح ضحيتها عشرات القتلى ومئات المصابين·
الأغنية كتب كلماتها رفيق (شعبولا)، الشاعر الغنائي إسلام خليل، الذي قال في تصريحات خاصة ل(المصريون)، إنه وشعبان يهديا الأغنية إلى شهداء أحداث استاد بور سعيد، تضامنًا مع ذويهم، وإلى النادي الأهلي وجماهيره الغفيرة في مصابهم الجلل، وأنهما بعثا بها عقب تسجيلها إلى خالد الغندور مقدم برنامج (الكورة اليوم)، على قناة (دريم وان) لإذاعتها·
وتقول كلمات الأغنية:
كفاية بقى شغل ندالة·· الفتنة دايرة وشغالة··
حرام عليكوا دا بورسعيد·· دا هي بلد الرجالة··
دا بور سعيد الحرية·· سلامات يا رمز الوطنية··
مين اللى ينسى تاريخك مين·· دا انتي الشهامة المصرية··
عدوان ثلاثي وقفتيله·· عمري الغريب ما سكتيله··
وكل أهلك ناسك أبطال·· ما بيخافوش ولا بيميلوا··
الغدر مش من مبدأنا·· دي حركة وعملوها أعدائنا··
المفروض نوعى لبعضينا·· مش ماتش كورة يفرقنا··
حق اللى مات مش حنسيبه·· بالعدل لازم حنجيبه··
وكل واحد فينا عارف·· عدوه بقى مين وحبيبه··
دى جريمة والكل حاسسها·· خططها مجرم ودارسها··
وبورسعيد منها بريئة··
يا أهلي يا ملك الكورة·· يا أهلي دا أنت الأسطورة··
عايزين يبينوا للخارج·· إن الأمن عندنا خارج··