برج الحمل التفاح ما ناكله والمشماش ما نشريه ولو تشقوا قلبي تشبحو من فيه. برج الثور انت سبيبيط وانا خويط فيك، انت سنيسلة وانا خميسة تحميك، انت خويتم وانا جوهرة تبهيك، وين ما تمشي تلقاني وانا اللي نبغيك. برج الجوزاء خاتم من فم حوشنا يفصل في العكري، قوتله يا شباب قيس على قدي، قاللي يا للتي لو تجي لعندي نصيغ سوار الدهب ونزيد من عندي. برج السرطان لو كان السعود تنغرس بالعود نغرس ميات عود في أرضي، لكن السعود بايدك يا معبود يا سقام السعود سقملي سعدي. برج الأسد خاتم من فم حوشنا سكران يترامى، مدلي في الطبق وردة، ومديتله شمامة. برج العذراء بإيدي غسلت اللحم وبإيدي حطيتله بزاره، يا قايل القول عرفت من قاله أني صيد في الغابة وخلي الكلاب تنبح. برج الميزان محبس مردقوش بالدهب مرشوش واطرافه زنزاري، أصبر يا قلبي هانا هانا لين يفرج مولانا. برج العقرب انت اسمك علي واسم علي عالي، يا خرزة في العقد يا نقش في خلخالي بالله دير روحك طبيب وتعالا شوف حالي. برج القوس يا سيدي مصطفى نارك ماتنطفى، بان الجفى ومنك مليت. برج الجدي جايز على باب دارنا، لابس تلمساني، قتلو يا شيخ بالاك تنساني، قالي والله ما ننساك، ونصيبك على ربي جاه وسلطاني. برج الدلو بعث لكم دموعى في مشوار زرق، ونبعث كلامي في برية تحرق، ما ننساكم يا ناسي بحق مكة وبلاطها لزرق. برج الحوت خرجت ليلة الجمعة، في يدى شمعة، خرج لي ملاك حنين قالي : يا بنت السحاب حاجتك راه مقضية، قلت ليه: يا سيدي طالت المدة، قالي : روحي لدارك تصيبيها قدّامك.
